Ардагермен қоштасу

Бір туар тұлға, Қазақстан Республикасы Төтенше жағдайлар министрлігінің құрметті ардагері, Павлодар облысының құтқару қызметінің ардагері, 1-дәрежелі сүңгуірші Анатолий Поликарпович Балашов 75 жасқа қараған шағында дүниеден өтті.

Анатолий Поликарпович өз өмірін құрдастары сияқты өткізді: оқуын оқып, әскери борышын өтеп, елге оралып, Павлодар қаласындағы ең көне кәсіпорындардың бірі Октябрь зауытында жұмыс істеді.

1975 жылдың қарашасында жақсы өндіріс қызметкері, белсенді спортшы ОСВОД-ға жұмысқа баруға ұсынылды. Оны бірден сүңгуірдің шәкірті етіп алды. Қара теңіз флоты арнайы сүңгуірлер отрядының бұрынғы бас бригадирі Шарапов Вячеслав жаңадан келген жігітке су асты кәсібінің қыр-сырын үйретті. Жылдар өтті, заман өзгерді, құтқару қызметі дамыды. Бірақ ол бір кездері өзі таңдаған мамандығына адал болып, 45 жыл өмірін адам өмірін сақтап қалуға арнады. Ол жедел-құтқару жасағының жас қызметкерлерінің бірнеше жас буынын тәрбиеледі.

Анатолий Поликарпович құтқарушы-сүңгуірлерді «Жаттығуда қиын болса, шайқаста оңай болады» деп үйреткен, өзі өмірінің сегіз мың сағатын астам су астында өткізген. Ол техникалық сипатта жүздеген рет суға сүңгіп іздестіру жұмыстарын атқарған.

2011 жылы А.П. Балашов құрметті еңбек демалысына шықты, бірақ денсаулығы мүмкіндік бергенше, ол өзіне туған болып кеткен ұжымында жұмысын жалғастырды. Көп жылғы еңбегі үшін Анатолий Поликарпович көптеген марапаттарға, соның ішінде екі рет «Суға батып бара жатқандарды құтқарғаны үшін» медалін алған. Ертіс өзені оның құштарлығы, оның гидроғарышы болды. Біз оны ризашылықпен еске аламыз.

Төтенше жағдайлар жөніндегі уәкілетті органның басшылығы, ардагерлер, бұрынғы әріптестері, достары, Төтенше жағдайлар департаментінің «Өрт сөндіру және авариялық-құтқару жұмыстары қызметі» ММ жеке аумақтық құрамы марқұмның туған-туыстары мен жақындарына көңіл айтты.

 Павлодар облысы ТЖД баспасөз қызметі