Сырым Шәріпханов Павлодар облысында ТЖ санының азайғаны туралы айтты

ТЖ министрі Сырым Шәріпханов Павлодар облысының тұрғындарымен кездесу барысында өңірдегі жағдай тұрақты екенін атап өтті. Облыстық азаматтық қорғау органдарының алдын алу шараларының арқасында өңірде төтенше жағдайлар саны 6%-ға, зардап шеккендер саны 34,4%-ға, қайтыс болғандардың саны 48,1%-ға азайды.

Күн сайын министрліктің бөлімшелері қауіпті жағдайға тап болған азаматтарымызды құтқарып, авариялық-құтқару және шұғыл жұмыстарды жүргізуге шығады.

«Павлодар облысының бөлімшелері жыл басынан бері ТЖ орнына 1 600-ге жуық рет шықты. Жедел іс - қимылдар мен уақтылы қабылданған шаралардың арқасында өңірдің құтқарушылары 450-ге жуық адамды құтқарып, эвакуациялады, 79 зардап шеккен адамға дәрігерге дейінгі медициналық көмек көрсетілді», - деп Сырым Шәріпханов халықпен кездесу барысында айтты.

Жалпы республика бойынша 2023 жылдың 5 айында ғана «112» шұғыл қызметтерінің телефондарына азаматтардан екі миллионнан астам қоңырау, «101»пультіне төтенше жағдайлар туралы бес жүз мыңнан астам хабарлама келіп түсті.

 

 

ҚР ТЖМ баспасөз қызметі