Шымкентте шомылуға тыйым салынған орындар бойынша рейд өткізілді
Шымкент қаласы ТЖ департаментінің қызметкерлері шомылу маусымында қауіпсіздік шараларын сақтау мақсатында шомылуға тыйым салынған орындарда төрт бағыт бойынша профилактикалық рейд өткізді.
Рейд барысында жыл сайын су айдындарында азаматтардың қаза болуына әкелетін себептерге назар аударылды - бұл жабдықталмаған жерлерде шомылу, жүзе алмау, өз күштерін жете бағаламау, балаларды қараусыз қалдыру және мас күйінде шомылу.
Шымкент қаласы әкімінің қаулысымен жаппай демалуға және шомылуға арналған 5 орын және тыйым салынған 13 орын анықталды. Бүгінгі таңда аудан әкімдіктері ТЖ департаментімен бірлесіп су айдындарында жазатайым оқиғалардың алдын алу бойынша күшейтілген түсіндіру жұмыстарын жүргізуде.
Шомылу маусымы басталар алдында құтқарушылар шомылуға рұқсат етілген су айдындарының түбіне зерттеу жүргізді. Бұл ретте құтқарушылар мен дәрігерлердің стационарлық бекеттерін жинақтауға, азаматтардың жүзуін шектеу үшін қалқымалар орнатуға ерекше назар аударды.
Демалыс аймақтарының, аквасаябақтарының барлық иелеріне су айдындарында шомылу маусымында халықтың қауіпсіздігін қамтамасыз ету үшін іс-шараларды орындау қажеттілігі туралы хаттар жіберілді. Бүгінгі таңда өңірдің ТЖ департаменті 35 қоғамдық құтқарушыны оқытып, тағы 44 адамды оқыту жүргізілуде.
Әкімдіктермен бірлесіп қауіпсіздік белгілерін орнату бойынша жұмыс жүргізілді, полиция қызметкерлерін тарта отырып, рейдтік іс-шаралар жүргізілетін, шомылуға тыйым салынған ықтимал қауіпті учаскелер мен орындарда 95 тыйым салу және ескерту белгілері орнатылды.
Жергілікті полиция қызметімен бірлесіп 980 азаматты қамтитын 45 патрульдеу жүргізілді. Полиция қызметкерлері тыйым салуды бұзған, сондай-ақ ішімдік ішетін адамдар үшін әкімшілік хаттама жасады. Өткен шомылу маусымында қалалық полиция департаментінің жергілікті полиция қызметінің қызметкерлері ҚР Әкімшілік құқық бұзушылық туралы Кодексінің 364-бабы «жалпы су пайдалану ережелерін бұзу» және 440-бабы алкогольдік ішімдіктерді ішу немесе қоғамдық орындарда мас күйінде пайда болу» бойынша айыппұл салынған 47 бұзушыны анықтады.
Шомылу маусымы қарсаңында балалардың қауіпсіздігіне ерекше көңіл бөлініп, мектеп, лагерь директорларымен қауіпсіздікті қамтамасыз ету мәселесі бойынша семинар-кеңес, мектеп оқушылары үшін интерактивті сабақтар өткізілді. Ватсап бойынша "ата-аналар" бөлімінде оқыту бейнероликтері мен жадынамалар таратылды.
Шымкент қ.ТЖД қоғаммен байланыс тобы