Қарағанды облысы ТЖД кинолог-құтқарушысы «Жыл патриоты» атағына ие болды

Астанада ҚР Мәдениет және спорт министрлігі ұйымдастыруымен Қазақстан патриоттарының республикалық форумы өтті. Іс-шараға елімізді дәріптейтін және қоғамды өз істерімен Отанды сүюге шабыттандыратын көрнекті қазақстандықтар, белсенді жастар мен танымал тұлғалар қатысты. Форум аясында «Жыл патриоты» атағын алған 12 номинация бойынша жеңімпаздар марапатталды.

Солардың бірі «Ерекше ерлік көрсеткен азаматтар» санаты болды, онда Қарағанды облысы ТЖД жедел-құтқару жасағы кинологиялық бөлімшесінің бас құтқарушысы Александр Адамбаев атап өтілді.

Александр 2018 жылдан бастап Қарағанды облысы ТЖД Өрт сөндіру қызметінің Жедел-құтқару жасағында кинолог болып жұмыс істейді. Гринпис есімді төрт аяқты серіктесімен бірге олар жойқын жер сілкінісінен кейін Түркияның Нурдагы қаласында іздеу-құтқару жұмыстарына қатысты.

Бордер-колли Гринпис немесе Гриня, күшік кезінен бастап құтқарушылар қатарында қызмет етеді.

Александрмен бірге олар көмекке мұқтаж көптеген адамдарға көмектесті.

«Адамдарды құтқару ерлік емес! Бұл біздің жұмысымыз, ол үшін біз ең үлкен марапатқа ие боламыз – ол алғыс!», - дейді Александр.

ҚР Мәдениет және спорт министрі Асхат Оралов қатысушыларды құттықтап, Мемлекет Басшысы Қасым-Жомарт Тоқаевтың атынан құттықтау сөзін оқыды.

 

 

 

Қарағанды облысы ТЖД баспасөз қызметі