Елордада жас құтқарушылар арасында қалалық жарыстар өтті

Балалар жасына байланысты байланысты оларға төніп тұрған қауіп-қатер дәрежесін өз бетінше бағалай алмайды. Сондықтан да ересектер оларға өз өмірлерін қорғау туралы қажетті білім беруі қажет. Осы мақсатта Астана қаласы ТЖ департаменті төтенше жағдай туындаған кезде балаларды тіршілік әрекетінің негіздеріне, қауіпсіздік шаралары мен ережелеріне оқыту бойынша түрлі іс-шаралар жүргізуде.

Мәселен, 26 мамырда "Құтқарушы" спорт кешенінің аумағында оқушылар арасында Жас құтқарушылардың қалалық жарысы өтті. Салтанатты жағдайда іс-шараны елордалық ТЖД бастығы генерал-майор Қуанар Базарбаев ашып, "ТЖ органдары ардагерлерінің Қазақстандық ұйымы" қоғамдық бірлестігінің Ардагерлер кеңесінің төрағасы отставкадағы генерал-майор Мейрам Ысқақов және "Өркен" балалар-жасөспірімдер дене тәрбиесі орталығының директоры Нұрлан Тяженов құттықтау сөз сөйледі.

Жарыстар өрт-құтқару спортының барлық бағыттары және құтқару дағдыларына үйрету бойынша өткізілді, атап айтқанда: психологиялық тестілеу; "таныстыру карточкасы" конкурсы; "Жас құтқарушылар" командалары арасында үздік әнұран, ту, сәйкес киім-кешек және өздерін таныстыруға арналған конкурс; "газет-жарнама қалқаны" конкурсы; алғашқы көмек көрсету" және авариялық-құтқару жұмыстарын жүргізу; техногенді апат аймағындағы құтқару жұмыстары, табиғи орта жағдайындағы іздестіру-құтқару жұмыстары, су акваториясындағы құтқару жұмыстары", өрт сөндіру эстафетасы, Александровтың соңын лақтыру және т.б. Барлық нормативтер бойынша  жаттығуларды аяқтау уақыты ғана емес, сонымен қатар дұрыс аяқтаулары да маңызды болды.

Жарыс қорытындысы бойынша 16 команда арасында тартысты күресте №48 мектеп-лицейінің жас құтқарушылары жеңіске жетті, №65 мектеп-гимназиясының командасы екінші жүлделі орынды және №8 мектеп-лицейдің жас құтқарушылары үшінші орынды иеленді. Жеңімпаздар мен жүлдегерлер грамоталармен, медальдармен, кубоктармен және бағалы сыйлықтармен марапатталды.

Астана қаласы ТЖД баспасөз қызметі