Өртке қарсы десант ШҚО орманына мониторинг жасауда
Табиғи өрттердің алдын алу үшін ШҚО ТЖД қызметкерлері алдын алу шараларын жүргізуде.
Өрт инспекторлары, орманшылар, полиция қызметкерлері және жергілікті атқарушы органдар қатарынан 300-ге жуық адамнан тұратын арнайы құрылған 46 мобильді топ орман аймағындағы жағдайға мониторинг жүргізеді.
Уақтылы профилактика мен 130-дан астам рейдтің арқасында 22 өрт қауіпсіздігін бұзушы әкімшілік жауапкершілікке тартылды.
ШҚО ТЖД Мемлекеттік өрт бақылау басқармасының мамандары орманды дала аймағында өрт найзағай жылдамдығымен таралатынын, сондықтан оны алдын алудың ең дурыс шара екенін атап өтті. Желді ауа-райында төменгі өрттің салдарынан жиі ұшқындар пайда болады, от төмен өсетін шыршалардың салбыраған бұтақтарына түсіп, ағаштардың шыңдарына дейін жетуі мүмкін. Осылайша жоғарғы өрт басталады – бұл ең қорқыныштысы және оны сөндіру де қиын.
Орман өртінің себебі көбінесе ашық отпен жұмыс істегенде азаматтардың немқұрайлылығы, яғни сөндірілмеген от, жерге тасталған темекі тұқылдары, күн сәулесінде қалған әйнек сынықтарынан тұтануы.
Жедел мобильді топтар ТЖ алдын алуға көбірек бағытталған, сондықтан құқық бұзушылармен күресуден басқа, азаматтарға өрт қауіпті маусымда өзін қалай дұрыс ұстау керектігі, өрттің салдары үшін жауапкершілік туралы егжей-тегжейлі нұсқау беріледі.
ШҚО ТЖД еске салады:
Дала өртінің алдын алу үшін не істеу керек?
Ормандарға барған кезде тыйым салынады:
- орманға жанып тұрған сіріңкелерді, темекі тұқылдарын, жанып тұрған шүберектерді лақтыру;
- қалың бұталар мен қылқан жапырақты жас ағаштардың жанында от жағу;
- орманда өздігінен жанатын материалды қалдырмаңыз, яғни майға немесе бензинге малынған шүберектер мен шуақты ауа-райында күн сәулесін шоғырландыратын және құрғақ өсімдіктерді тұтататын шыны ыдыстарды;
- құрғақ шөпті өртеу.
Сонымен қатар, облыста ағымдағы жылдың өрт қауіпті маусымы басталғаннан бері 6 орман өрті тіркелді, өрттен жойылған алаң 60 Га, 305 га алаңда 35 дала аумағындағы шөптің жануы тіркелді.
Уақытылы әрекет етуді қамтамасыз ету үшін жылу нүктелеріне космомониторинг жүргізіледі, бұл өртті ерте кезеңде анықтауға және жоюға мүмкіндік береді.
ШҚО ТЖД баспасөз қызметі