ТЖ туындаған кезде халықты қорғау

Халықты табиғи және техногендік сипаттағы төтенше жағдайлардан қорғау жөніндегі басты іс-шаралардың бірі – кез-келген қауіптің туындауы немесе туындау қаупі туралы уақтылы хабардар ету. Халықты хабардар ету дегеніміз - оған жақындап келе жатқан қауіп пен жағдай туралы уақтылы ескерту, сондай-ақ осы жағдайлардағы мінез-құлық тәртібі туралы хабарлау.

Біздің облыс аумағындағы қауіптілік туралы шартты сигналды халыққа жеткізудің негізгі құралы электр сиреналары болып табылады. Халықты ескерту жүйелерінің тағы бір тиімді элементі - көше дауыс зорайтқыштарының желілері. Тек шартты қауіп сигналын беретін электр сиреналарынан айырмашылығы, көше дауыс зорайтқыштарының көмегімен электр сиреналарының дыбысын таратуға болады, содан кейін сөйлеу ақпараттық хабарламаларын жіберуге болады.

2023 жылғы 2 мамырда Қойбағор ауылдық округі әкімдігі төтенше жағдайлардың алдын алу мақсатында Қойбағор ауылының орталығында орнатқан халықты ауызша құлақтандыру құрылғысына Қарасу ауданы ТЖБ қызметкерлері сәтті тестілеу жүргізді. Орталықта басқару пульті бар барлығы 5 дауыс зорайтқыш орнатылған, бұл кент жағдайында шұғыл ақпаратты 1 350 адамнан тұратын халыққа сенімді жеткізуді қамтамасыз етуге мүмкіндік береді.

Өз кезегінде, халық электр сиреналарының, соның ішінде көшедегі дауыс зорайтқыштардың үзік-үзік (гулеген) дыбысы «Назар аударыңыз» бірыңғай қауіп сигналын білдіретінін білуі керек. Бұл дыбысты (сигналды) естігенде адамдар ақпараттық хабарламаларды, сондай-ақ қазіргі жағдайдағы мінез-құлық бойынша ұсыныстарды тыңдау үшін сөйлеу ақпаратын қабылдау құралдарын, яғни радио нүктелерін, радиоқабылдағыштар мен теледидарларды дереу қосуы керек.

Қостанай облысы ТЖД

Қарасу ауданының ТЖБ