Қарағанды облысы ТЖД қызметкері қоян-қолтық ұрыстан республикалық турнирдің жеңімпазы атанды

Қарағандыда Әлем чемпионаты мен біріншілікке іріктеу аясында «Абсолютті нағыз жекпе-жек» бойынша республикалық шеберлер турнирі өтті. Бұл турнирге 60 келі салмақта біздің қызметкер, азаматтық қорғау капитаны Мұхамедрахым Нұркеев қатысты. Ол 5 жекпе-жек өткізіп, барлығында жеңіске жеткен. Турнир қорытындысы бойынша әріптесіміз «Қазақстан Республикасының спорт шебері» нормативін орындап, бірінші орынды иеленіп, чемпиондық белбеуді жеңіп алды.

Мұхамедрахым Нұркеев Қарағанды ​​облысы Төтенше жағдайлар департаментінің өрт сөндіру-құтқару спорты бойынша бас жаттықтырушысы. Көкшетау техникалық институтының түлегі. 2012 жылдан бастап азаматтық қорғау органдарында қызмет етуде.

Мұхамедрахым – ММА бойынша облыстық жарыстардың бірнеше дүркін жеңімпазы, абсолютті жекпе-жектен спорт шебері. Ол Қарағанды ​​облысының ММА құрамасының мүшесі.

«Мен бала кезімнен спортпен айналыстым - негізінен күрес, қазір аралас жекпе-жекке ауыстым. Жарыстар туралы біліп, жұмысқа зиянсыз қатысуға мүмкіндік болған кезде мен өзімді сынап көруге тырысамын, - дейді Мұхамедрахим. – Осы бәсекеде қарсыластар лайықты, жақсы дайындалған, тіпті ұпай алшақтығы шамалы – кейде бір ұпаймен болатын. Финалда аралас жекпе-жектен Қазақстан чемпионымен кездестік: жекпе-жек қызықты өтті».

Жеңіс үшін марапат ретінде Мұхамедрахым Нұркеев чемпиондық белбеу, кубок пен турнирде жеңіске жеткендігі туралы диплом, сондай-ақ алтын медаль алды.

 

Қарағанды облысы ТЖД баспасөз қызметі