Ұрпақтар сабақтастығы
СҚО ТЖ департаменті ардагерлер кеңесінің есебінде 150-ден астам ардагер бар, олардың әрқайсысы өрт ісін дамытуға елеулі үлес қосты. Ардагерлер бүгінгі күнге дейін жас қызметкерлермен өздерінің бай тәжірибелерімен бөлісіп, өрттермен және басқа да төтенше жағдайлармен күресуге үлес қосып, жастарды патриотизм рухында тәрбиелеуге және таңдаған кәсібіне берілгендікке көмектесуде.
2023 жылдың 11 сәуірінде Солтүстік Қазақстан кәсіптік-педагогикалық колледжінде «Өрт сөндірушілер мен құтқарушылардың кәсібилігі мен адалдығы» тақырыбында дөңгелек үстел ұйымдастырылды. Оған өрт сөндіру бөлімінің ардагерлері, СҚО ТЖ департаментінің офицерлері, әкімшілік өкілдері, колледж оқытушылары мен студенттері қатысты.
Кездесу азаматтық қорғау органдарының ардагерлер кеңесінің төрағасы Сағынбай Қойбағарұлы Увалиевтің құттықтау сөзінен басталды, онда ол студенттерді патриоттық тәрбиелеу және кәсіптік бағдарлау үшін осы іс-шараны өткізудің маңыздылығын атап өтті. Содан кейін студенттер Дарья Костевич пен Эмилия Подгайченко өлкенің өрт күзетінің даму тарихы және Қазақстан Республикасы Тәуелсіздік алған жылдары өртке қарсы қызметтің қалыптасу тарихы туралы баяндама жасады.
Төртінші курс студенті Тамерлан Шаглановтың баяндамасын тыңдап, дөңгелек үстелге қатысушылар адамдарды құтқару және өртті сөндіру бойынша жауынгерлік міндеттерін орындаған өрт сөндіруші батырларды бір минут үнсіздікпен еске алды,
Іс-шара өрт сөндіруші-құтқарушы мамандығының құпиялары, азаматтар мен өрт сөндірушілердің өрт сөндіру кезіндегі батырлығы туралы қызықты және тартымды баяндаған студенттердің баяндамаларымен жалғасты. Содан кейін сөз өртке қарсы қызметтің ардагері Жанат Жүсіповке берілді, ол өзінің кәсіби жолы, өртті сөндіру, СҚО ТЖД «ӨСжАҚЖ» ММ бөлімшелеріндегі жұмыс кезеңінің қызықты және ағартушылық тарихы туралы айтып берді.
Студенттер азаматтық қорғау подполковнигі Руслан Нұртазиннің азаматтық қорғау органдарына түсу тәртібі және Қазақстан Республикасындағы өрт сөндіруші және құтқарушы мамандығының келешегі туралы айтқан сөзін шынайы қызығушылықпен тыңдады.
Іс-шара соңында айтылған тақырыптар талқыланып, өзекті мәселелер бойынша пікір алмасылды.
СҚО ТЖД ӨС және АҚЖҚ баспасөз қызметі