Қарағанды облысының өзендерінде мұз кесу және бұрғылау жұмыстары жүргізілуде
Бұқар жырау ауданы мен Теміртау қаласының маңындағы Нұра өзенінде мұз кептелістерінің алдын алу үшін мұзды кесу және бұрғылау жұмыстары жүргізілуде. Мұз жамылғысының әлсіреуі де мұздың жылжуы кезінде өзеннің толып кетуіне жол бермейді.
Қарағанды облысы ТЖД құтқарушыларымен кептеліс қаупі бар аймақтарда алдын алу шаралары жүргізілуде.
Ғарыштық мониторинг деректеріне сәйкес, бүгінде Қарағанды облысы аумағының 75 пайызын қар жауып тұр.
Облыстың ірі су қоймаларынан ағызу жұмыстары жүргізілуде: Самарқанд су қоймасынан ағызу 3 текше метр/сек, Ынтымақ су қоймасынан ағызу 8 текше метр / сек көлемінде жүргізіледі.
Су тасқыны қаупі бар өңірлерде алдын алу шаралары жалғасуда. 110 км су бұру траншеялары кесілді, 158 км каналдар мен арықтар тазартылды, 3286 бірлік су өткізгіш құбырлар мен 281 көпір тазартылды.
Су тасқынына қарсы жұмыстар жалғасуда және бақылауда.
Қарағанды облысы ТЖД баспасөз қызметі