«Көктем-2023» РКШОЖ шеңберінде практикалық іс-шаралар пысықталды

Қазақстан Республикасының Төтенше жағдайлар вице-министрі генерал-майор Марат Күлдіковтың басшылығымен «Көктем-2023» республикалық командалық-штабтық оқу-жаттығу шеңберінде авариялық-құтқару қызметтері мен азаматтық қорғау құрамаларының күштерімен құтқару және шұғыл жұмыстарды жүргізу кезінде жедел басқарудың барлық алгоритмі пысықталуда.

Азаматтық қорғау қызметтері мен жергілікті атқарушы органдар тиісті кіріспе бойынша іс-шараларды пысықтады, олар әрбір өңір үшін жеке айқындалды.

Оқу-жаттығу шеңберінде су тасқыны кезеңінде төтенше жағдайлар қаупі болған және туындаған кезде бірінші кезектегі іс-шараларды өткізу мәселелері пысықталды. Аса су тасқыны қаупі бар аймақтардың аумағында практикалық іс-шаралар өткізілді.

ТЖ вице-министр Марат Күлдіков ауданымыздағы Садовое елді мекеніндегі Нұра өзенінің арнасында су тасқынына қарсы іс-шаралар өткізді.

Практикалық іс-шаралар барлық өңірлерде алдын алу іс-шараларын орындаумен өткізілді.

Су тасқыны жағдайының ықтимал қатерлеріне жедел ден қою үшін күштер тобы құрылды, атап айтқанда 35 мың адам, 11 мың бірлік техника, 700 жүзу және 3 мыңнан астам су соратын құралдар бар.

Ағымдағы жылдың қардың айтарлықтай көп болуы мен жердің қатты қатуына байланысты су тасқыны кезеңінің қиын өту қаупі бар. Барлық қызметтер ықтимал төтенше жағдайларға әрекет етуге толық дайын болуын қамтамасыз етуі керек.