Қазақстан Республикасы Төтенше жағдайлар жөніндегі бірінші вице-министрінің Алматы облысының тұрғындарымен онлайн форматта кездесуі
Қазақстан Республикасының Төтенше жағдайлар жөніндегі бірінші вице-министрі Ибрагим Дәукесұлы Күлшімбаев бүгін Алматы облысының тұрғындарымен кездесу өткізді. Кездесу онлайн режимде өтті.
Есептік кездесуге үкіметтік емес ұйымдардың өкілдері, еріктілер, азаматтық қорғау органдарының қызметкерлері мен ардагерлері қатысты. Кездесуде вице-министр жұртшылықты Министрліктің 2022 жылдың өткен кезеңіндегі қызметінің қорытындылары туралы егжей-тегжейлі хабардар етті, Министрліктің жұмыс жоспарлары туралы айтып, азаматтардың өзекті сұрақтарына жауап берді.
«Өңірдегі жағдай тұрақты. Есепті кезеңде төтенше жағдайлар саны 11,2% - ға азайды, 546 жағдай тіркелді, қаза болғандар саны 45,9% - ға азайды. Жалпы 4752 шығу жүзеге асырылды, 114 адам құтқарылды және 206 адам эвакуацияланды», - деп атап өтті Ибрагим Күлшімбаев.
Өңірде 1 қазаннан бастап жылыту кезеңі басталды, оған дайындық тамыз айында алдын ала жүзеге асырылды. Барлығы 269 190 тұрғын үй есепке алынды, оның ішінде әлеуметтік осал топтар халық саны - 6 032. Қазақстан Республикасының аумағында өрт қауіпсіздігін қамтамасыз ету жөніндегі 2022 – 2024 жылдарға арналған Жол картасын іске асыру шеңберінде (ҚР Премьер-Министрінің 2021 жылғы 24 қарашадағы № 187 өкімімен бекітілген) 2022-2023 ж.ж. жылыту кезеңінің басталуы қарсаңында халықтың әлеуметтік осал топтарының барлық азаматтарының тұрғын үйлеріне комиссиялық бару жүзеге асырылды. Алматы облысында олардың саны 6 032 отбасын құрайды.
Әлеуметтік тапсырыс шеңберінде облыс халқының әлеуметтік осал топтарының 1492 үйінде 926 көміртегі тотығын анықтау датчигі және 566 түтін детекторы орнатылды, сондай-ақ 146 үйдің пештері жөнделді және 84 үйге электрмен жабдықтауды жөндеуге көмек көрсетілді.
Өрттің алдын алу мақсатында бұқаралық ақпарат құралдарында 1 мың 148 сөз сөйлеу, оның ішінде теледидарда – 77 материал, баспа басылымдарында – 670 басылым, радиоэфирде – 401 сөз сөйлеу өткізілді. 2019-2022 жылдар аралығында облыс аумағында 49 өрт сөндіру бекеті пайдалануға берілді.
Кездесу барысында бірінші вице-министр азаматтардың барлық сұрақтарына жауап беріп, азаматтарды жеке онлайн қабылдауды өткізді.
Алматы облысы ТЖД баспасөз қызметі