Түркістан облысының құтқарушылары адасып кеткен шопанға көмек көрсетті

2022 жылғы 14 қарашада 1978 жылы туған азамат Ынталытал елді мекенінің Айырсай жайлауы Сауран ауданының Майдантал ауылында сағат 21:30-да хабар-ошарсыз кетті. Іздестіруге Сауран ауданының төтенше жағдайлар бөлімінің, Майдантал ауылдық округі әкімдігінің, полиция бөлімінің қызметкерлері жұмылдырылды.

Іздестіру-құтқару жұмыстарының нәтижесінде құтқарушылар 15 қарашада сағат 13:15-те жоғалған азаматты жайлаудан 18 шақырым жерден тапты. Денсаулық жағдайы тұрақты, медициналық көмекке мұқтаж емес.

Түркістан облысының Төтенше жағдайлар департаменті сапар алдында ауа-райымен танысуды ұсынады. Жақындарыңызға қозғалыс бағытын айтып кетіңіз. Бейтаныс жолмен жолды қысқартпаңыз. Байланыс құралдары, сондай-ақ батареяның жеткілікті заряды болуы керек. Төтенше жағдайда 112 нөміріне қоңырау шалыңыз.

Түркістан обласы ТЖД баспасөз қызметі