Құтқарушылар білім беру нысандарында оқу жаттығуларын өткізуде
Өрт кезінде адамдардың дүрбелеңі мен сасқалақтауы қайғылы салдарға әкелуі мүмкін. Сондықтан ШҚО ТЖД өрт сөндірушілері мекеме қызметкерлерін ТЖ кезінде өзін-өзі ұстау ережелеріне үйретуге және өзін-өзі даярлауға көп көңіл бөледі. Жыл басынан бері өңірде тұрақты негізде, әсіресе білім беру объектілерінде - балабақшаларда, мектептерде, колледждерде практикалық жаттығулар ұйымдастырылды.
Тактикалық мәні бойынша қысқа тұйықталу орын алып, бұл объектіде өртке әкелді. Түтін анықталғаннан кейін білім беру мекемесінің қызметкерлері болған оқиға туралы «101» қызметіне хабарлайды және оқушыларды шұғыл эвакуациялайды.
Келген өрт сөндірушілер одан әрі әрекет ету бойынша барлық шараларды қабылдады. Өрт сөндірушілер алдын ала орналастыруды жүзеге асырады, газ-түтіннен қорғау қызметінің буынын құрады және барлау жүргізеді. Өрт сөндіру штабының орнында орналастырылған жауапты лауазымды тұлғалардың кәсіби шешімдерінің арқасында шартты өрт тез арада жойылды.
Мұндай профилактикалық іс-шаралардың негізгі мақсаты - өрт сөндірудің жедел жоспарын және адамдарды ғимараттан эвакуациялау схемасын пысықтау, өрт сөндіру бөлімшесінің әкімшілікпен өзара іс-қимылы.
Жақында Өскемен мен Серебрянск қаласында мектеп пен технологиялық колледжде оқу-жаттығулар ұйымдастырылды. Құтқарушылардың алдында «түтін қақпанына» түскен оқушылар мен педагогтарды анықтау және оларға шартты өрт ошағын жеңуге көмектесу міндеттері тұрды.
Жаттығудан кейін ТЖ қызметінің өкілдері оқу орнының қызметкерлерімен кездесу өткізді. Жаттығулардың қорытындысын шығарады, кемшіліктерді анықтайды және туындаған мәселелерді егжей-тегжейлі талдайды. Сонымен қатар, мамандар нысан басшылары үшін өрт қауіпсіздігін қамтамасыз ету бойынша ұсыныстар береді.
«Өрт қауіпсіздігін қамтамасыз ету жөніндегі шаралар жүйесін пысықтау ТЖ қызметкерлерінің жұмысындағы маңызды құрамдас бөлік болып табылады. Айта кету керек, егер өрт анықталған сәттен бастап адамдарды қауіпсіз аймаққа эвакуациялау процесі аяқталғанға дейінгі уақыт аралығы қажетті уақыттан аспаса, адамдарды ғимарат пен құрылыстан қауіпсіз эвакуациялау қамтамасыз етілген болып саналады», - деп ШҚО ТЖД Өрт сөндіру және авариялық - құтқару жұмыстары қызметінің бастығы Айдос Нүсіпбаев атап өтті.
ШҚО ТЖД баспасөз қызметі