Суретші Бауыржан

Шымкент қаласы ТЖ департаментінің Жедел-құтқару жасағының құтқарушысы Бауыржан Райымқұлов үлкен тәжірибесі бар, еңбек өтілі мол қызметкер. Оның есебінде ондаған құтқарылған адам бар, елдің басқа да аймақтарында бірнеше рет апаттық-құтқару жұмыстарына қатысқан. Бірақ біздің айтатынымыз оның кәсіби қасиеттері емес.

Әңгіме оның суреттер мен ағаштан бұйымдар жасаудағы таңғажайып шеберлігі туралы. Сүңгуірдің-құтқарушы жұмысын облыстық клиникалық  ауруханада да көруге болады. Онда оның суреттері дәліз бойында орналасқан және медицина қызметкерлері мен пациенттердің көзін қуантады. Ауруханада бес авторлық суреті ілулі тұр. «Кубизм» сурет салу техникасымен салынған  суреттердің бейнесін өзі ойлап тапты. Оның қиялы өте шексіз, суреттерінің мағынасы өте терең.  

Құтқарушының өзі ешқашан арнайы үйірмелерге бармағанын және университеттерді бітірмегенін мойындайды. «Материал қолыма түскеннен кейін елес пен бай қиял қосылады», - дейді ол.

Бауыржан бала кезінен сурет салған. Ата-анасы оның талантын байқап, суретші көршісіне оған сурет салуды үйретуін өтінді. Ол Бауыржанға қарындашпен графика техникасын үйретті.  

Бірақ ол қылқаламмен ғана емес, сонымен қатар шоколадттың қарапайым фольгасынан керемет заттарды жасайды, ал оның ағаш ою жұмыстары мүлдем бөлек көрмеге лайық. Кез-келген пішінді кәдімгі ағаштан пышақпен кесуге болады. Ал идеялар іссапарларда және жұмыстан бос кештерде ойға келеді.

Бауыржан білімі бойынша педагог-психолог, бірақ мамандығы бойынша ешқашан жұмыс істемеген. Ол су-құтқару қызметіне 23 жыл бұрын сүңгуір-құтқарушы болып жұмысқа орналасты. Қазір ол Шымкент қ. ТЖД «ӨСжАҚЖҚ» ММ сүңгуір-құтқару бөлімшесінің басшысы болып жұмыс жасайды.

Шымкент қ. ТЖД қоғаммен байланыс тобы