Шығыс Қазақстанда «Қауіпсіздік мектебі-2022» слеті өтті

Облыс оқушылары төтенше жағдайлар кезінде мінез-құлық дағдылары қажет болатын кедергілер мен сынақтарды еңсеруде үздіктер кубогы үшін күресті. 7 команда бірнеше кезеңнен өтті: шартты өртті сөндіру, зардап шегушіні көшіру және оған алғашқы көмек көрсету, өткелден және батпақты жерлерден өту. Сонымен қатар, конкурстық бағдарлама «Қабырға газеті» және «Өзін таныстыру» шығармашылық конкурстарын да қамтыды.

Ұйымдастырушылар Шығыс Қазақстан облысы Төтенше жағдайлар департаментінің, Өскемен қаласы әкімдігінің «№ 29 қосымша білім беру мектебі – орталығы» КММ қолдауымен Шығыс Қазақстан облысының білім басқармасы болды. 

Іс-шара барысында ШҚО ТЖД кәсіби құтқарушылары бір мезгілде балаларға арналған шеберлік сағаттары мен тренингтер ұйымдастырды, онда білімдегі кем тұстарын бекітіп, нығайтуға мүмкіндік алды.

«Қауіпсіздік мектебі» - бұл баға жетпес тәжірибе беретін, өскелең ұрпақтың бойында қауіпсіздік мәдениетін, жауапкершілікті, адамдарға көмекке келуге дайындықты тәрбиелейтін маңызды мектеп», - деп атап өтті ШҚО ТЖД бастығының орынбасары Арман Тоқанов.

Табанды күрестің қорытындысы бойынша Өскемен қаласының командасының балалары үздік атанды.  Олар сауатты түрде көмек көрсету және төтенше жағдайға тап болып, одан жеңімпаз болып шығу қабілетінде даусыз нәтиже көрсетті. Алтай ауданынан және Шемонаиха ауданынан жаңадан келген балалар екінші және үшінші орынды иеленді, осы слетке алғаш рет келіп, бірден жүлделі орындарға ие болды. Алтай ауданының балалары ең жарқын және көрнекі өнер көрсетті. Олар «Өзін таныстыру» байқауына бірінші болып шығып, өз өнерлерімен төрешілер алқасын жарыстың жоғары деңгейін орнатуларымен тәнті етті.

«Біз тапсырмалар мен кезеңдерден қорықпадық. Қызықты сәттер болды. Әсіресе өткелден өту есте қалды. Онда «терлеуге» тура келді, сонымен қатар біз зардап шегушіге қатесіз дерлік көмек көрсете алдық, осылайша оның өмірін сақтап қалдық», - деп жарыс жеңімпаздары өз әсерлерімен бөлісті.

         ШҚО ТЖД баспасөз қызметі