ШҚО құтқарушылары әлеуметтік осал отбасылардың үйлерін аралап шықты

Жылыту маусымы қарсаңында құтқарушылар профилактикалық сипаттағы жұмыстарды күшейтті. Облыс аумағында азаматтардың әлеуметтік осал санаттары тұратын пешпен жылытылатын 3 174 үй бар.  

Олардың қауіпсіздігін қамтамасыз ету үшін ТЖ мамандары әрбір үйді 100% қарап шықты, онда пешпен жылытуды және электр құралдарын пайдалану ережелері бойынша нұсқаулықтар ұйымдастырылған.  Тексеру барысында өрт қауіпсіздігі талаптарын бұза отырып пайдаланылып жатқан 1802 үй анықталды. 1613 бұзушылық пешпен жылытумен байланысты, 573 электр желілері мен электр жабдықтарын пайдаланумен байланысты, 171 бұзушылық өзге де бұзушылықтарға жатады, атап айтқанда газ баллондарын сақтау мен пайдаланудың бұзылуы, эвакуациялық жолдарға шығу кезіндегі қоқыстар, ірі жемшөптерді, пішенді сақтаудың бұзылуы, үйлер мен шаруашылық ғимараттары арасындағы өртке қарсы аралықтардың болмауы және т. б.

ШҚО аумағында әлеуметтік осал азаматтармен қатар жеке тұрғын үй секторында тұратын тұрғындар арасында аулаларды аралау бойынша жұмыс қайта басталды. Бүгінгі таңда жеке тұрғын үй секторында тұратын тұрғындар арасында 17 000-нан астам аулалар тексерілді. Аралау нәтижесінде 2941 үй тіркелді, онда 4182 өрт қауіпсіздігі талаптарын бұзушылық анықталды.

Алдағы жылыту маусымына «Қазмырыш» ЖШС меморандум аясында 2140 улы газ датчигін бөлді, сондай-ақ Катон-Қарағай ауданында әкімдіктің белсенді жұмысы байқалуда, яғни ауданға 200 датчик бөлді. Барлық датчиктер қалалар мен аудандарға таратылды, жақын арада суық ауа райы басталғанға дейін орнатыла бастайды. Бұл датчиктер саны 100% барлық үйлерді қамтитынын айта кету қажет.

ШҚО ТЖД баспасөз қызметі