Дәуірдің жарқын жұлдызы - Ахмет Байтұрсынов

Қыркүйекте  қазақтың қоғам және саяси қайраткері, Алаш партиясының мүшесі, ағартушы, лингвист ғалым, әдебиеттанушы, түркітанушы, ақын және аудармашы Ахмет Байтұрсынұлының туғанына 150 жыл толады. Қазақстанда оны «Ұлт ұстазы» деп құрметтейді.

Айтулы күн қарсаңында бүкіл ел бойынша Ахмет Байтұрсыновты еске алуға арналған іс-шаралар өткізіледі. Ал Павлодар облысы ТЖ департаменті және «Өрт сөндіру және авариялық-құтқару жұмыстары қызметі» ММ қызметкерлері С.Торайғыров атындағы облыстық кітапхана мамандары ұйымдастырған дөңгелек үстелге қатысты.

Аталған іс-шараға Қостанай қаласынан қоғам қайраткері, өлкетанушы, А.Байтұрсыновтың өмірбаянын зерттеуші Ибрахим Ағытаев, журналист сатирик, Халықаралық «Шабыт» фестивалінің лауреаты Абылай Мауданов онлайн-режимде қосылғаны есте қаларлық оқиға болып табылады. Олар кездесуге қатысушыларға осы уақытқа дейін еш жерде жарияланбаған көптеген қызықты ақпаратты айтып берді. Олар Орынбор және Архангельск қалаларында мұрағаттық істер, ақпарат іздеу бойынша зор еңбек еткен.

Жиналғандар Ибрахим Ағытаев пен Абылай Маудановты қызығушылықпен тыңдап, қызметкерлер аудиторияның жандарына жағарлық ақынның шығармасынан үзінділер оқыды.

 Павлодар облысы ТЖД