Ақтөбе қаласында 50-ден астам адам мен бала эвакуацияланды

2022 жылғы 30 тамыз күні  сағат 09.07-де ТЖ департаментінің кезекшілік-диспетчерлік басқару пультіне Ақтөбе қаласы, Алматы ауданы, Ряхов көшесі, пәтердің түтіндеуі бойынша хабарлама келіп түсті.

Шақырту орнына өрт сөндіру қызметінен 24 қызметкер және 6 бірлік техника жіберілді. Шақыру орнына келгеннен бойда 5 қабатты  жатақхананың 2-ші қабатындағы дәлізде шкафтың жанғаны анықталды.

Құтқарушылар баспалдақ арқылы 6 адамды, оның ішінде 1 баланы құтқарды. 54 адам, оның ішінде 17 бала эвакуацияланды.

Өрт сағат 09. 28-де сөндірілді.

Зардап шеккендер жоқ. Өрттің шығу себебі анықталуда.

 

          Ақтөбе облысы ТЖД

 Қоғаммен байланыс тобы