Елордалық өрт сөндіру қызметінде үздік жүргізуші анықталды

Елордалық өрт сөндіру қызметінде үздік жүргізуші анықталды

 

Елордалық өрт сөндіру қызметі қаланың өрт сөндіру бөлімшелері арасында "Үздік жүргізуші-2022" байқау – конкурсын өткізді.

Байқау екі кезеңнен тұрды: бірінші кезең бөлімнің үздік жүргізушісін анықтау мақсатында тікелей бөлімшелерде өткізілді, екінші кезең "Үздік жүргізуші – 2022" анықтау үшін автодромдағы әрбір бөлімшенің қатысушыларымен өткізілді. Байқауға негізгі мақсаттағы "Камаз" шассиіндегі автомобильдерімен 13 өрт сөндіру бөлімі қатысты.

Трассаның өтуі келесі элементтерден тұрды: "Старт", "Қақпа", "Пеньки", "Жолтабан", "Жылан", "Гараж", "Тұрақ", "Сегіздік", "Кедергілері бар жартылай шеңбер", "Эстафета", "Тұйық", "Мерген", "Финиш". Әр қатысушы барлық жаттығуларды көрсетілген ретпен орындап, қысқа уақыт ішінде барлық қашықтықты өтуі керек болды.

Байқау қорытындысы бойынша келесі жеңімпаздар анықталды:

1 орын және "2022 жылдың үздік жүргізушісі" №7 МӨСБ өрт сөндіру автомобильдерін жүргізу жөніндегі аға нұсқаушы азаматтық қорғау старшинасы Төлеген Абдукалимов, 2 орын №23 МӨСБ өрт сөндіру автомобильдерін жүргізу жөніндегі жүргізуші-қызметкер азаматтық қорғау старшинасы Ербол Укенов және 3 орын № 2 МӨСБ өрт сөндіру автомобильдерін жүргізу жөніндегі аға нұсқаушы азаматтық қорғау старшинасы Әкімжанов Дамир.

Жыл сайынғы конкурстың негізгі мақсаты жауынгерлік әзірлікті және кәсіби шеберлікті арттыру, жүргізушілер құрамы мен өрт сөндіруші – құтқарушылардың практикалық дағдыларын жетілдіру болып табылады.

 

 

Нұр-Сұлтан қаласы ТЖД Қоғаммен байланыс тобы