Алматы облысы ТЖД қызметкерлері Ұйғыр ауданындағы үш туристті құтқарды
2022 жылғы 23 тамыз күні сағат 10.30-да Алматы облысы ТЖД кезекші бөліміне үш ер адамның (біреуі 1983 және екеуі 1981 жылы туған) Ұйғыр ауданындағы Сүмбі ауылдық округінің Темірлік учаскесінде адасып кеткені туралы хабарлама келіп түсті.
Іздестіру-құтқару жұмыстарын жүргізуге ТЖД қызметкерлері мен «Шарын» ұлттық паркінің 11 маманы мен 3 бірлік техникасынан құрылған 3 іздестіру тобы дереу жіберілді. Құтқарушылардың №6 өрт сөндіру бөлімінен іздеуді ұйымдастыру орнына дейінгі қашықтық 50 километрді құрады.
Сағат 13.00-де құтқарушылар өз күшін есептей алмаған 1983 жылы туған азаматты тауып алды. Ішетін су таусылып қалғандықтан, жолдастары су іздеуге кеткен екен. Ол жолдастарын күтіп қалып қойған болатын. Құтқарушылар сағат 14:45-те қалған екі ер адамды тапты, үшеуі де медициналық көмекке мұқтаж емес еді.
Келгеннен кейін үшеуі де Шарын каньонынан басталып, Көлсай көлдерінде аяқталуы тиіс жоспарланған маршруттан адасқаны анықталды. 1983 жылы туған ер адам Алматыға оралуға шешім қабылдаса, қалған екеуі өз жолын жалғастырды.
Алматы облысы Төтенше жағдайлар департаменті өзінің туристік маршруттарын жоспарлай отырып, төменде көрсетілген ережелерді орындауды ЕСКЕРТЕДІ:
1. Туристік маршрутқа шығу алдында міндетті түрде Алматы облысы ТЖД іздестіру-құтқару бөлімшесіне алдын ала тіркелу, Байланыс телефондары мен маршрут сызбасын, кету және келу күндерін көрсету, сондай-ақ ұялы байланыспен қамту аймағында өз маршрутын жоспарлау қажет.
2. Бейтаныс маршрут бойынша алғашқы сапар үшін оған барған адамды саяхатшылардан тапқан жөн немесе осы маршрут туралы алдын-ала ақпарат табуға тырысқан жөн.
3. Қозғалысты бастамас бұрын, ауа-райы жағдайлары мен кедергілердің ықтималдығын ескере отырып, ықтимал қауіптерді мұқият бағалау керек.
4. Егер сіз достар тобында немесе серіктестікте саяхаттасаңыз-бірге болғаныңыз жөн. Міндетті түрде өзіңізбен бірге қажетті дәрі-дәрмек бар медициналық қорапты алып жүріңіз.
5. Өзіңізбен бірге жеткілікті мөлшерде су алыңыз.
6. Жарақаттануды болдырмау мақсатында тік беткейлерге көтерілмеңіз.
7.Төтенше жағдай туындаған кезде тәулік бойы жұмыс істейтін 101 және 112 нөмірлері бойынша телефон желілеріне қоңырау шалыңыз.
Осы қарапайым жүріс-тұрыс ережелерін есте сақтай отырып, сіз төтенше жағдайлардың туындауынан құтыла аласыз, ал Алматы облысының маршруттары бойынша туристік саяхаттар Сізге ләззат және көптеген әсерлер әкеледі.
Алматы облысы ТЖД баспасөз қызметі