Ақтөбе облысындағы АГҚС орын алған оқиға туралы алдын ала ақпарат

2022 жылғы 17 шілдесінде сағат 19:02-де (жергілікті уақыт бойынша) Ақтөбе облысы Алға ауданының Төтенше жағдайлар бөлімінің 101 телефонына «Лимангаз» ЖШС автогаз құю станциясындағы өрт туралы дабыл келіп түсті. Өрт Ақтөбе облысы ТЖД Алға аудандық өрт сөндіру қызметінің күшімен жойылды. Қаза болғандар мен зардап шеккендер жоқ.

Алдын ала ақпарат бойынша, АГҚС күндізгі сағат 12-ден бері жұмыс істемеген. Объектінің аумағында 2 қызметкер болған, куәгерлердің айтуынша, өртенген ыдыс бос болған.

Алға ауданының ТЖБ өрт себебін анықтау үшін өрт-техникалық сараптама тағайындады. Қазақстан Республикасы Төтенше жағдайлар министрлігі Өнеркәсіптік қауіпсіздік комитетінің Ақтөбе облысы бойынша департаменті осы оқиғаны тексеру үшін комиссия құрады, оқиға орнына өнеркәсіптік қауіпсіздіктің мемлекеттік инспекторы жолданды.

Егжей-тегжейлі ақпарат тергеу жүргізіліп, өрттің барлық мән-жайлары анықталғаннан кейін ұсынылатын болады.

ҚР ТЖМ Өнеркәсіптік қауіпсіздік комитеті