Құрметті еңбек демалысына шығарып салды

Қарағанды ​​облысының ТЖ департаментінде салтанатты жағдайда Мемлекеттік өрт бақылау басқармасының бастығы азаматтық қорғау полковнигі Моисеев Андрей Валерьевич лайықты демалысқа шығарылды.

Андрей Моисеев азаматтық қорғау органдарында 25 жылдан астам қызмет етті.

Қарағанды ​​политехникалық институтын бітіргеннен кейін Қарағанды ​​облысы ТЖД Мемлекеттік өртке қарсы қызмет басқармасының №5 өрт сөндіру бекетінің мемлекеттік өрт қадағалау тобының инспекторы болып қызмет атқара бастады.

Қызмет еткен жылдары мемлекеттік өртке қарсы қадағалау бөлімшелерінде аға инженер, аға инспектор, бас маман, бөлім бастығы және бөлім бастығының орынбасары қызметтерін атқарды.

2018 жылдан бастап Қарағанды ​​облысы ТЖД Мемлекеттік өрт бақылау басқармасын басқарды.

Андрей Моисеев осы еңбек жылдарында өз жұмысын абыроймен атқарды, жоғары нәтижелерге қол жеткізді.

Қарағанды ​​облысы ТЖ департаментінің басшысы Мұрат Қатпанов азаматтық қорғау органдарындағы үлгілі қызметі үшін алғысын білдірді. «Сіз жоғары кәсібилігіңізбен және адалдығыңызбен ерекшелендіңіз, абыроймен қызмет еттіңіз, ал білікті басшылық ерекше алғысқа лайық», - деді ТЖД бастығы.

Әріптесіміздің жоғары кәсіби шеберлігі Қазақстан Республикасы ТЖ министрлігі басшылығын да назардан тыс қалдырмады. Көп жылғы адал еңбегі және мемлекеттік азаматтық қорғау жүйесін дамытуға қосқан үлесі үшін Андрей Моисеев «Төтенше жағдайлардың алдын алуда және жоюда үздік шыққаны үшін» медалімен марапатталды.

Қарағанды ​​облысы ТЖД жеке құрамы жаңадан шыққан зейнеткерді жылы лебізбен және аздап мұңайып, лайықты демалысқа шығарып салды.

Естелік сыйлықтар табыс етілді.

 

Қарағанды облысы ТЖД баспасөз қызметі