Қазақстан Республикасы мен Ресей Федерациясының құтқарушылары шекара маңындағы аумақта өрт сөндіру бойынша бірлескен оқу-жаттығу өткізуде

Ресей Федерациясының Астрахань облысында трансшекаралық өрттерді сөндіру бойынша Ресей-Қазақстан ауқымды оқу-жаттығулары өткізілуде.

Оқу-жаттығудың мақсаты-шектес аумаққа өтуге қауіп төндіретін ірі табиғи өрттерді жою кезінде күштер мен құралдардың практикалық өзара іс-қимылы.

Екі елдің өрт сөндірушілерінің алдында Астрахань облысы Ахтубе ауданының Жоғарғы Басқұншақ елді мекенінің аумағында, төменгі Басқұншақ елді мекеніне, сондай-ақ "Богдинско-Басқұншақ" Мемлекеттік қорығының және Қазақстан Республикасының аумағында шартты өртті жеңу міндеті тұр.

«Өрттердің басқа табиғи апаттар сияқты шекарасы жоқ. Сондықтан апаттарға қарсы тұру үшін бірлескен іс - қимылдарды пысықтау маңызды»", атап өтті Атырау облысы Төтенше жағдайлар департаментінің бастығы полковник Сәбит Битаев.

Бірлескен оқу-жаттығуларға Ресей Федерациясы Төтенше жағдайлар министрлігінің Астрахань облысы бойынша Бас басқармасы мен Атырау облысы Төтенше жағдайлар департаментінің жеке құрамынан 154 адам және 41 бірлік техникасы қатысуда.

 

Атырау облысы ТЖД

Қоғаммен байланыс тобы