Елордалық өрт сөндірушілер балаларға экскурсия ұйымдастырды

Биыл Мемлекет басшысы Қасым Жомарт Тоқаев 2022 жылды балалар жылы деп жариялады. Осыған орай 20 сәуірде елордалық ТЖД бастығы Қуанар Базарбаевтың балалармен кездесуі өтті.

Кездесуге  қалалық №36 «Балапан» балабақшасының және «SOS» балалар ауылының тәрбиеленушілері қатысты. Балаларға № 2 Мамандандырылған өрт сөндіру бөлімшесінің аумағында өрт сөндіру техникаларының және құтқарушылардың күнделікті жұмысының көрсетілімін, сонымен қатар Өрт сөндірушілер мен құтқарушылар мұражайына экскурсия жасалды.

Аталмыш іс-шараларды Департаментте өткізудің маңызы зор. Себебі бұл балаларға құтқарушы сияқты абыройлы мамандығымыздың қыр сырын көрсетумен қатар, балалардың өрт қауіпсіздігін сақтау шаралары түсіндіріп, көрсететін бірден бір шара болып табылады.

 

Нұр-Сұлтан қаласы ТЖД баспасөз қызметі