Жәнібек ауданының әкімдігі Атырау облысы Төтенше жағдайлар департаментінің қызметкерлеріне алғыс білдірді

Жәнібек ауданының әкімдігі Атырау облысы Төтенше жағдайлар департаментінің қызметкерлерін Батыс Қазақстан облысы Жәнібек ауданы Жақсыбай ауылы аумағындағы су тасқыны салдарын жою бойынша іс-шаралар өткізгені үшін алғыс хатпен марапаттады.

Еске сала кетсек, 2022 жылғы 3 сәуірде Атырау облысы Төтенше жағдайлар департаменті бастығының орынбасары полковник А.А. Ержановтың басшылығымен 7 құтқарушы Батыс Қазақстан облысы Жәнібек ауданы Жақсыбай кентіне «Қазавиақұтқару» АҚ «МИ-8» тікұшағы су тасқыны салдарын жоюға көмек көрсету үшін ұшып шыққан болатын.

2022 жылдың 4-5 сәуірде Жақсыбай кентінде құтқарушылар аула аумақтарынан мотопомпамен су сору жұмыстарын жүргізді. Жалпы 470 текше метр су сорылды.

Сонымен қатар 2 сәуірде жаяу жүргіншілер көпірінің шайылып кетуіне байланысты құтқарушылар аспалы қозғалтқыштары бар резеңке қайықтардың көмегімен каналдың арғы бетінде қалған халыққа азық-түлік жеткізіп, жергілікті халықты тасымалдауды жүзеге асырды.

 

 

Атырау облысы ТЖД

Қоғаммен байланыс тобы