Петропавл қаласында ТЖ салдарынан қаза тапқан жұмыскердің денесі табылды

2022 жылғы 20 наурыз күні 19 сағат 20 минутта облыстық Төтенше жағдайлар департаментіне Петропавл қ.  «СевКазЭнерго» АҚ 2-ЖЭО жылу электр орталығын, қазандық цехының ғимаратында бірінші (объектідегі үш мұржаның бірі) түтін өтетін мұржаның жоғарғы бөлігі құлағаны туралы ақпарат түсті. Кезекші ауысым қызметкерлерінің бар-жоғын анықтау кезінде қазандық цехының жабдықтарын аралаушы-машинистің, 1984 жылы туған әйелдің жоқтығы анықталды. ТЖД қызметкерлерінің күшімен ТЖ орнында іздестіру-құтқару жұмыстары дереу басталды. Сондай-ақ Нұр-Сұлтан қаласының Жедел-құтқару жасағының құтқарушылары жұмылдырылды. Кинологиялық есептер тартылды. 1 тәуліктен астам белсенді іздестіру жұмыстары жүргізілді.

22 наурызда 10 сағат 32 минутта құрылыс конструкциялары үйінділерінің астынан әйелдің жансыз денесі табылды. Сағат 12.05-те дене үйінділердің астынан шығарылды. Сот-медициналық сараптама жүргізу үшін арнайы органдарға тапсырылды. СҚО ТЖД психологиялық қызмет тобы марқұмның туыстарымен жұмыс істеуде.

 

СҚО ТЖД қоғаммен байланыс тобы