СҚО Уәлиханов ауданында Сілеті өзенінде жарылыс жұмыстары жүргізілді

Ағымдағы жылғы су тасқыны Солтүстік Қазақстан облысында жергілікті атқарушы органдардың, СҚО ТЖ Департаментінің тұрақты бақылауында. Тасқын суларға байланысты қолайсыз оқиғалардың алдын алу мақсатында 2022 жылғы 15 наурызында Уәлиханов ауданының Сілеті өзенінің сағасында  жарылыс жұмыстары жүргізілді.

         Аталған іс-шара жергілікті атқарушы органдар, СҚО ТЖД және Көкшетау қаласының мамандандырылған ұйымы «Көкше-БУР» ЖШС жүргізді. Су тасқыны кезеңінде мұз кептелісі Қулыкөл ауылын су басуына қауіп төндіретін буланған ағынға ұқсайды. Бұл күні барлығы 140 кг жарылғыш зат (петроген) қойылды. Келісілген уақытта ол кезең – кезеңімен өзен арнасы бойынша 3 учаскеде-Қаратал және Қулыкөл ауылдарын қосатын жолдағы «Жыра» су өткізу құрылысында, Қулыкөл ауылынан 2 және 5 км. жерде, жалпы алаңы 1000 ш. м. қолданысқа келтірілді.

Жарылыс жұмыстары жүргізілетін орындарға Уәлиханов ауданының ТЖ бөлімінің бастығы азаматтық қорғау полковнигі Бауыржан Рахымжанов, аудан әкімінің орынбасары Біржан Хасенов, Құлыкөл ауылдық округінің әкімі Айнаш Исаева қатысты.

ТЖ бөлімінің қызметкерлері Қулыкөл ауылдық округінің тұрғындарына көктемгі су қоймаларының қауіптілігі туралы ескертеді. Ешбір жағдайда мұзға шығуға болмайды, өйткені жарылыс толқынынан мұзда жарықтар пайда болады.

 

                                             СҚО ТЖД Уәлиханов ауданының ТЖ бөлімі