Нұр-Сұлтан мен Алматы қалаларында Азаматтық қорғау академиясының оқу орталықтары ашылды

Нұр-Сұлтан мен Алматы қалаларында Мәлік Ғабдуллин атындағы Азаматтық қорғау академиясының оқу орталықтары ашылды.

Алматы оқу орталығының бастығы лауазымына азаматтық қорғау подполковнигі А.Қ.Байділдаев, Нұр-Сұлтан қаласы  оқу орталығының бастығы лауазымына азаматтық қорғау подполковнигі А.М.Құсайынов тағайындалды.

Орталықтар өрт сөндіру бөлімдерінің ғимараттарында орналасқан. Онда бір мезгілде 30 қызметкерді оқыту мүмкіндігі бар. Нұр-Сұлтан қаласы оқу орталығында Қарағанды ​​облысы мен Нұр-Сұлтан қаласының тыңдаушылары, ал Алматыдағы оқу орталығында Алматы, Жамбыл облыстары мен Алматы қаласының тыңдаушылары оқитын болады.

«Өртке қарсы дайындық»  санаты бойынша алғашқы курстар 7 ақпанда басталады.

Академияның оқу орталықтары Ақтөбе, Көкшетау, Өскемен және Шымкент қалаларында да бар.

 

ҚР ТЖМ Мәлік Ғабдуллин атындағы

 Азаматтық қорғау академиясының

 баспасөз қызметі