Түркістан облысында өрт кезінде 57 адам эвакуацияланды

2022 жылғы 28  қаңтар күні жергілікті уақыт 11 сағат 49 минутта Созақ ауданы Шолаққорған ауылының Жібек жолы көшесінде орналасқан 2 қабатты орталық аудандық ауруханада өрт шыққаны туралы хабарлама түсті.

Өрт оқиғасы орнына №11 өрт сөндіру бөлімінің күштері мен құралдары жіберілді.

Өрт сөндірушілер оқиға орнына келген кезде аурухананың №11 палатасында төсек-орын жабдықтары жанып жатты.

Өрт сөндірушілер баспалдақ маршымен 57 адамды эвакуациялады.

Өрт сағат 12-02-де ауыздықталып,  12-10-да сөндірілді..

Зардап шеккендер жоқ. Өрттің көлемі 12шаршы метрді құрады.

Өртті сөндіруге Түркістан облысы ТЖ департаментінің 13 өрт сөндірушісі мен 4 бірлік техникасы шықты.

Түркістан облысы ТЖД азаматтарды өрт қауіпсіздік қағидаларын сақтауға кеңес береді.

 

Түркістан облысы ТЖД баспасөз қызметі