Екібастұздық өрт сөндірушілер екі адамды құтқарды

Өрт туралы хабарлама № 2 мамандандырылған өрт сөндіру бөліміне 2022 жылғы 1 қаңтарда сағат 17-55-те келіп түсті. Өрт Әуезов көшесі, 6 мекенжайындағы бес қабатты тұрғын үйдің екінші қабатының төртінші кіреберісінде орын алды. Өрт орнына дереу құтқарушылар келіп, екі бөлмелі пәтердің залында үй заттарының және балконның 12 шаршы метр алаңында жанып жатқанын анықтады. Жоғары температураның әсерінен пластикалық әйнек балқып кеткен. Нәтижесінде қатты түтіндену орын алған.

Үстіңгі қабаттағы пәтерлердің бірінде әйел адам немересімен бірге қалып қойғаны жайлы бір әйел адам хабарлады.

Бесінші қабаттан бөлімше командирі Кендиров Айнар бесінші қабаттан үшінші қабатқа дейін 1977 жылы туған әйелді қолына көтеріп алып, ары қарай Кендиров Айнардың сүйемелдеуімен таза ауаға шығарылды. 

Қарауыл бастығы Бейсенбай Сыздықов бесінші қабаттан баспалдақпен 2019 жылы туған баланы көтеріп алып шықты. "103" қызметінің қарауынан кейін құтқарылғандарға ауруханаға жатқызудың қажеті жоқ екендігі анықталды.

Сондай-ақ, өрт сөндірушілердің сүйемелдеуімен баспалдақ маршы бойынша 1 адам өздігінен эвакуацияланды, өрт сөндіру бөлімшелері келгенге дейін баспалдақ маршы бойынша 6 адам өздігінен эвакуацияланды, оның ішінде 1 бала.

Өрт сағат 18-30-да сөндірілді. Себебі жоғарғы қабаттардан тасталған темекі темекі болды.  

Өрт орнында Павлодар облысы ТЖД жеке құрамының 7 адамы мен 1 техникасы, "103" қызметі, қалалық электр желісі жұмыс істеді.

Павлодар облысының ТЖД барлық азаматтардан өрт қауіпсіздігі ережелерін сақтауды сұрайды.

 

 

Павлодар облысы ТЖД баспасөз қызметі