«Зымыран-2021» РКШОЖ шеңберінде командалық-штабтық ойынның қорытындысы бойынша қатысушыларды тыңдау өткізілді

«Зымыран-2021» республикалық командалық-штабтық оқу-жаттығу шеңберінде командалық-штабтық ойынның қорытындысы бойынша қатысушыларды тыңдау өткізілді. Оқу-жаттығудың басшысы-Қазақстан Республикасы Төтенше жағдайлар министрінің міндетін атқарушы Марат Күлдіков бейнеконференция байланысы режимінде республикалық қызметтер, Жергілікті атқарушы органдар және өзара іс-қимыл жасайтын ұйымдар басшыларының баяндамаларын тыңдады.

Оқу-жаттығудың бірінші күнінің барысы туралы штаб бастығы – ҚР ТЖМ ТЖ жою департаменті бастығының орынбасары Жомарт Асқаров баяндады.

Оқу-жаттығу барысында қабылданған шаралар туралы Қарағанды облысы әкімінің орынбасары Вадим Басин, Қостанай облысы әкімінің орынбасары Виктор Ионенко, Аэроғарыш комитеті төрағасының орынбасары Ғалымжан Данбаев және "Инфракос" РМК өкілі Ерлан Бекешев сөз сөйледі. Қабылданған сигналдардың қорытындысы бойынша қабылданған шешімдер талқыланды.

Ертең, 29 қазанда оқу-жаттығу практикалық іс-шаралармен жалғасады. Оқу-жаттығуды үйлестіру және басшылық ету жөніндегі Штаб Жезқазған қаласында орналасқан.

 

ҚР ТЖМ баспасөз қызметі