Өрт сөндіру және апаттан-құтқару жұмыстарын жүргізу технологияларын дамытудың әлемдік тәжірибесі

2021 жылдың 22 қазанында Қазақстан Республикасы ТЖМ Мәлік Ғабдуллин атындағы Азаматтық қорғау академиясының жедел-тактикалық пәндер кафедрасының ұйымдастырумен Нью-Йорк, Уэстчестер округінің өрт барлау нұсқаушысы Ник Кабелев  «авариялық барлау және өрт сөндірушіні құтқару» тақырыбында онлайн шеберлік сағатын өткізді. Шараға Академияның және оның Оқу орталықтарының қызметкерлері мен тыңдаушылары, аумақтық бөлімшелердің қызметкерлері қатысты.

Өрт сөндірушіні жедел барлау және құтқару – бұл АҚШ пен Ресей Федерациясындағы салыстырмалы түрде жаңа және қарқынды дамып келе жатқан тәртіп. Оның негізгі бағыты - өртті сөндіру кезінде «Тұзаққа түскен» өрт сөндірушіні болдырмау және құтқару.

Өрт сөндірушіні жедел барлау және құтқару тұжырымдамасы өрт сөндіру кезінде қиындыққа тап болған өрт сөндірушілерге көмек көрсету әдістемесін қамтиды. Н.Кебелевтің айтуынша, оның негізгі қағидаттарының бірі - зардап шегушіге көмек көрсету және құтқару алдында өзіңді құтқара білу керек!

Шеберлік сағаты әдістемелік семинар түрінде өткізілді. Онда Н. Кабелев АҚШ-тағы газ-түтіннен қорғаушыларды даярлау тәжірибесімен, төтенше жағдайға тап болған өрт сөндірушілерді авариялық барлау және құтқару әдістерімен бөлісті. Семинар барысында қатысушылар әрбір өрт сөндірушіні жедел барлау және құтқару модулін аяқтағаннан кейін ГТҚҚ буынын жабдықтауға, буын құрамына, нөлдік көріну жағдайында даярлауға және авариялық барлау негіздеріне қатысты жауаптар алуға және қоюға мүмкіндік алды. Семинардың белсенді формасы барлық қатысушыларға жақсы әсер қалдырды.

Осындай семинарларда алынған әлемдік тәжірибені пайдалану өрт сөндіру және апаттан-құтқару жұмыстарын жүргізу технологияларын дамытуға сеп болмақ.

 

 

ҚР ТЖМ Мәлік Ғабдуллин атындағы

Азаматтық қорғау академиясының

баспасөз қызметі