Елордалық ТЖД жалпы білім беретін мектептер арасында Құтқарушылар күніне арналған "Балалар құтқарушылар туралы" балалар шығармашылығының байқауын жариялайды

Байқау 2021 жылдың 1 қазанынан 2021 жылдың 15 қазанына дейін Нұр-Сұлтан қаласының жалпы білім беретін мектептерінің 3-10 сынып оқушылары арасында өткізіледі (3-5 сыныптар – өртке қарсы тақырыптағы суреттер, 6-7 сыныптар – өрт сөндіруші-құтқарушылардың ерлігі мен батырлық әрекеттері туралы  шығарма, ертегі, әңгіме, эссе,8-10 сыныптар – шығармашылық бейнеролик);

Жұмыстар 2021 жылдың 15 қазанына дейін (қоса алғанда) Нұр-Сұлтан қаласы, Әліби Жангелдин көшесі, 24 мекенжайы бойынша немесе : gpk_dchs_ast@emer.kz электрондық мекенжайға қабылданады. Бейне жұмыстар WhatsApp +77053215584 нөмірі бойынша қабылданады.

Байқауға қатысуға: кез-келген техникада (түрлі-түсті қарындаштар, гуашь, тушь, пастель, компьютерлік графика, фотомонтаж және т.б.), А4-тен кем емес және А3-тен аспайтын форматтағы қағазда орындалған суреттер, ертегі туындыларының көлемі 2 беттен аспауы тиіс, ұзақтығы 3 минуттан аспайтын кез-келген жанр мен техникада (оның ішінде мультипликацияда) орындалған бейнероликтер жіберіледі. Барлық жұмыстарда автордың аты-жөні, сыныбы, жалпы білім беретін мекеменің атауы, байланыс телефондары көрсетілуі тиіс. Барлық жұмыстар қазақ немесе орыс тілдерінде қабылданады (қалауы бойынша). Байқауға қатысушылар ұсынатын жұмыстар саны бір қатысушыдан 1 жұмыстан артық болмауы тиіс.

Бағалаудың негізгі критерийлері:

- жұмыстың көрсетілген тақырыпқа сәйкестігі;

- идеяның бірегейлігі мен креативтілігі;

- идеяның айқындылығы;

- жұмысқа заманауи көзқарас;

- шығарманың идеялық-тақырыптық мазмұны (ертегі, әңгімелер үшін).

Байқау қорытындысы 2021 жылдың 18 қазанында шығарылады.

Байқау жеңімпаздары дипломдармен және сыйлықтармен марапатталады.