«Біз бірінші болып көмекке келеміз» көрмесі

Өскеменде О.Бөкей атындағы кітапханада Қазақстан Республикасының Құтқарушылар күніне арналған «Біз бірінші болып көмекке келеміз» атты кітап көрмесі ұйымдастырылды.

Көрме отқа баруды және кез-келген уақытта су тасқыны, өрт, табиғи апаттар, авариялар кезінде адамдарға көмектесуге келуді білдіретін батыл мамандық туралы баяндайды. Келушілерге бағдарлауды жеңілдету үшін көрмедегі экспонаттар «ТЖ қызметінің тарихы"», «Өрт сөндіру жабдығы, техника және өрттен қорғау құралдары», «Құтқарушы мамандығы», «Тіршілік қауіпсіздігі», «Батырлық мамандық» тақырыптық бөлімдері бойынша бөлінген. Көрмеде тіршілік қауіпсіздігін қамтамасыз ету, өрт және электр қауіпсіздігі ережелері, төтенше жағдайлардағы мінез-құлық туралы әдебиеттер, ақпараттық буклеттер мен жадынамалар ұсынылды. Кітаптар мен мерзімді басылымдар оқу залында да, үйде де оқуға  беріледі.

Барлығы 30-дан астам басылым ұсынылған. Көрме ұйымдастырушылары «Пожарный и Спасатель Казахстана» журналын да назардан тыс қалдыра алмады, оның беттерінде біздің еліміздегі ТЖ қызметінің қалыптасу және даму тарихы, Қазақстан құтқарушыларының өмірі мен қызметі көрсетілген.

«Көрменің мақсаты-келушілерді алдын алу және іздестіру - құтқару жұмыстарының кешенімен таныстыру, халықты ТЖ кезінде дұрыс жүріс-тұрыс мәселелеріне үйрету», - деп атап өтті О.Бөкей  атындағы кітапхана директорының орынбасары Жанат Жиенбекова.

Сондай-ақ, заманауи жабдықтардың арқасында виртуалды шындықта серуендеуге болады, онда 1896 жылы аймақта салынған алғашқы өрт сөндіру депосын өз көзіңізбен көре аласыз. Ұйымдастырушылар дайындалған кітап-иллюстрациялық көрме әрбір келушінің жадында сақталып, өзінің және жақындарының өмірін қауіпсіздендіруге көмектеседі деп үміттенеді.

Көрме 2021 жылдың 20 қазанына дейін жалғасады және көрмені көргісі келетіндердің барлығын Е.Славский атындағы жағалау – 22 мекенжайы бойынша  күтеді.

 

ШҚО ТЖД баспасөз қызметі