Қарағанды облысы ТЖД бастығы Жезқазған өңіріне жұмыс сапарымен барды

Қарағанды облысы ТЖ департаментінің бастығы Мұрат Қатпанов пен ТЖД Өрт сөндіру және авариялық-құтқару жұмыстары қызметінің бастығы Евгений Лохнов Жезқазған өңіріне іс-сапармен барды.

Жұмыс сапары барысында ТЖД басшылығы Жезқазған, Сәтбаев, Қаражал қалаларындағы, сондай-ақ Ұлытау және Жаңаарқа аудандарындағы аумақтық бөлімшелердің дайындығын тексерді.

Ағымдағы жылдың 9 айындағы қызмет қорытындылары тыңдалып, табиғи және техногендік сипаттағы төтенше жағдайлардың алдын алу және жою бойынша жүргізілетін жұмыстарды одан әрі жақсарту бойынша тапсырмалар берді.

Тыңдау барысында Мұрат Қатпанов Мемлекет Басшысы Қасым-Жомарт Тоқаевтың 2021 жылғы 1 қыркүйектегі "Халық бірлігі және жүйелі реформалар – елдің өркендеуінің берік негізі"атты Қазақстан халқына Жолдауының негізгі бағыттарын жеткізді.

ТЖД бастығы салтанатты түрде қызметте ерекше көзге түскен қызметкерлерге ведомстволық наградаларды табыс етті. Сондай-ақ бөлімшелердің жеке құрамымен кездесулер өткізіліп, бар проблемаларды талқылап, қызметкерлерді әлеуметтік қамтамасыз ету жолдары түсіндірілді.

 

Қарағанды облысы ТЖД баспасөз қызметі