Азаматтық қорғау академиясында Х мерейтойлық Халықаралық ғылыми-практикалық конференциясы өтті

2021 жылдың 15-16 қыркүйегінде Көкшетау  қаласында  «Қазақстан  Республикасы ТЖМ  М. Ғабдуллин  атындағы  Азаматтық  қорғау  академиясының»  базасында  Х мерейтойлық   Халықаралық  «Жанғыштығы  төмендетілген  полимерлі  материалдар»  ғылыми-практикалық   конференциясы өтті. 

Аталған  конференция екі  жылда  бір  рет  өткізіледі. Елдегі эпидемиологиялық жағдайға  байланысты. ағымдағы  жылы  конференция қашықтықтан өткізу форматына  ауыстырылды. 

Осыған   қарамастан   конференция   жұмысына жанғыштығы   төмен  полимерлік  материалдарды  зерттеу  саласындағы  жетекші ғалымдар  тікелей  қатысты,  атап  айтқанда: РҒА  академигі  Берлин А.А., х.ғ.д., профессор Мансуров З.А., х.ғ.д., профессор  Ксандопуло Г.И., т.ғ.д.,. Шарипханов С.Д., х.ғ.д., профессор Сивенков А.Б. және т.б.

Конференцияның  ашылуында  Қазақстан  Республикасы  Төтенше жағдайлар министрі генерал-майор Ю. В. Ильин, РҒА академигі А. А. Берлин, Қазақстан Республикасы ТЖМ Азаматтық қорғау академиясының бастығы т.ғ.д. полковник С. Д. Шәріпханов, сондай-ақ  Ресей  ТЖМ  Мемлекеттік  өртке  қарсы  қызмет академиясының  профессоры, т.ғ.д.,  профессор  А.Б.Сивенков  құттықтау сөз сөйледі.

Конференция мынадай ғылыми бағыттарды қамтыды: полимерлердің термо қышқылды  деструкциясы  және  пиролизі;  полимерлі материалдардың жану теориясы; жаңа  полимерлі  материалдар мен жанғыштығы төмен композициялар жасау;  полимерлі  материалдардан жасалған конструкциялардың қажетті өрт қауіпсіздігін  қамтамасыз  ету  әдістері мен құралдары;  табиғи және техногендік сипаттағы  төтенше  жағдайларды  талдау.

Сондай-ақ,  конференция бағдарламасына  дәрістер, баяндамалар, пікірталастар және  стендтік  сессиялар  сериясы, көрме және ұйымдастыру комитеті мәлімдеген жас ғалымдардың  үздік. жұмысы  үшін  конкурстың  қорытындысын шығару енгізілген. Конференция жұмысының қорытындысы бойынша РҒДИ-да тіркелген ISBN-мен тезистер  жинағы  шығарылады. Таңдаулы мақалалар конференцияның мақалалар жинағында Scopus халықаралық дәйексөз базасындағы индекстеумен жарияланады.  

 

 

ҚР ТЖМ Мәлік Ғабдуллин атындағы

Азаматтық қорғау академиясының

баспасөз қызметі