Өрт сөндіру-құтқару спорты бойынша Әлем чемпионатын өткізуге дайындық тексерілді

Қазақстан Республикасы ТЖ бірінші вице-министрі Ибрагим Күлшімбаев жұмыс сапарымен Қарағандыға келді. Сапардың негізгі мақсаты өрт сөндіру-құтқару спорты бойынша Әлем чемпионатын өткізуге дайындық барысымен танысу болды.

И.Д. Күлшімбаев «Шахтер» орталық стадионының және басқа да инфрақұрылымдық нысандардың алдағы әлемдік біріншілікті өткізуге дайындығын тексерді.

Чемпионатты дайындауға тартылған ұйымдардың басшылары нысандардың дайындығы туралы баяндады. Іс-шараны көліктік, медициналық және ақпараттық қамтамасыз ету мәселелері талқыланды.

XX Халықаралық конференцияның шешіміне сәйкес 2021 жылғы 31 тамыз мен 6 қыркүйегі аралығында Қарағанды қаласында өрт сөндірушілер бен құтқарушылардың халықаралық спорт федерациясының қолдауымен өрт сөндіру-құтқару спорты бойынша ерлер арасындағы XVI Әлем Чемпионаты және әйелдер арасындағы VII Әлем Чемпионаты өтеді.

Әлем чемпионатына қатысу үшін 12 елдің спортшылары мен делегаттары өтінім берді.

Өрт сөндірушілер мен құтқарушылардың ерлер мен әйелдер командалары оқу мұнарасының төртінші қабатының терезесіне шабуыл сатысымен көтерілуден, 100 метрлік кедергілер жолағынан өтуден, жауынгерлік қанат жаюдан және 4-тен 100 метрге дейінгі өрт эстафетасынан жарысады.

Өрт сөндіру-құтқару спорты бойынша әлем чемпионаттарын өткізу әлемнің түрлі елдерінің спорт ұйымдары арасындағы спорт саласындағы достық байланыстар мен ынтымақтастықты нығайтуға, өрт сөндіру-құтқару қызметтерінің қызметкерлері мен қызметкерлерінің кәсіби және жауынгерлік даярлығын, спорттық шеберлігін жетілдіруге, өрт-құтқару спортын одан әрі дамытуға және әлемдік ауқымда насихаттауға бағытталған.

 

Қарағанды облысы ТЖД баспасөз қызметі