Өртте көршісін құтқарған Семей қаласының тұрғыны марапатталды

Семей қаласында Қазақстан Республикасы Төтенше жағдайлар министрінің бұйрығымен ерлік, батырлық және батылдық танытып, өрт кезінде көршісін құтқарған Серік Қадыржанов алғыс хатпен марапатталды. Семей қаласында 1 мамырда өрт шықты. Пищевиков көшесімен келген сәтте моншасы бар бір шатырдың астында орналасқан жазғы ас үй-жайында төбе жабынының, есік блоктарының, жиһаздың ағаш конструкциялары өртенді.
Өрт сөндірушілер 15 шаршы метр алаңда өртті сөндірді, барлығы 4 бірлік техника мен 16 өрт сөндіруші жұмылдырылды. Өрттің себебі электр жабдықтарын монтаждау және пайдалану кезінде өрт қауіпсіздігі талаптарын сақтамау болды.

Өрт сөндіру бөлімшелері келгенге дейін 1959 жылы туған көршісі Серік Қадыржанов жанып жатқан үй-жайдан 66 жастағы тұрғынды алып шықты. Қарап шығып, оны жедел жәрдем дәрігерлері ауруханаға жеткізді. Денесінің бел омыртқасы жағын күйік шалған екен. Ер адамға медициналық көмек көрсетіп, оның өміріне қауіп төнбейтініне көз жеткізіп, үйіне жіберілді.

Серік Қадыржанов "Нұр" ЖШС-да бульдозер жүргізуші  болып жұмыс істейді, ол өзін батыр деп санамайды. "Бұл әрбір нағыз ер адам мен қазақстандық азаматтың әрекеті, ол айналасындағы адамдарды қорғау үшін бәрін жасайды", - деді батыр.

Ең жақсы адами қасиеттер қауіпті сәттерде айқын көрінеді. Ал, Серік Қадыржанов өрттің ықтимал ауыр салдарын болдырмау үшін барлығын жасады.

 

ШҚО ТЖД баспасөз қызметі