Павлодарда «Көктем-2021» РКШОЖ шеңберінде тәжірибелік оқулар өткізілді
Ағымдағы жылдың 4-5 наурыз аралығында Павлодар облысында «Көктем-2021» Республикалық командалық-штабтық оқу-жаттығу шеңберінде практикалық оқулар өткізілді.
Өткізу орны ретінде Павлодар қаласының ауылдық аймағы Кенжекөл ауылы анықталды. Практикалық бөлімінде бірнеше кіріспе пысықталды:
- халықты эвакуациялау бойынша бірінші кезектегі іс-шараларды өткізу үшін құтқарушылар мен еріктілер су басуға бейім көшелердің аулаларын аралап, ықтимал зардап шеккендерді, тасымалдауға келмейтін науқастар мен жалғыз басты зейнеткерлерді анықтау үшін жүргізді;
- 5 шатырдан және 2 тіркемелі вахтовкадан тұратын шатырлы лагерь орнатылды, сондай-ақ барлық санитарлық-эпидемиологиялық нормаларды сақтай отырып, Кенжекөл жалпы орта білім беру мектептерінің базасында жинау эвакуациялық пункті ашылды;
- төтенше жағдайлардың салдарын жою және жағдайды тұрақтандыру мақсатында адамдардың өмірі мен денсаулығына тікелей қауіпті жою, халықтың тыныс-тіршілігін қалпына келтіру және шаруашылық жүргізуші объектілерге зиянды азайту бойынша алдын алу іс-шаралары жүргізілді, атап айтқанда: қарды тазалау, неғұрлым қауіпті учаскелерді опырылымдау, бөгеттерді нығайту, су өткізу құбырларын тазалау жүргізілді;
- жедел топтың негізгі күші Кенжекөл кенті халқының әлеуметтік осал топтарына атаулы көмек көрсетуге шоғырландырылды.
- ҰҰ № 5512 әскери бөлімі әскери қызметшілерінің күшімен аулаларды қардан тазалау жұмыстары жүргізілуде. Жергілікті атқарушы органдардың сұрауы бойынша ҚР Ұлттық ұланының әскери бөлімдері табиғи және техногендік сипаттағы ТЖ жою үшін тартылады.
Еріген қар суларын сору және су басу салдарын тікелей жою үшін Павлодар облысы ТЖД «Өрт сөндіру және авариялық-құтқару жұмыстары қызметі» ММ мотопомпалары дайындалды. Өнімділігі секундына 350 литр 2 мотопомпа, 6 портативті және 1 өрт сөндіру сорғыш станциясы орналастырылды. Жағдай нашарлаған жағдайда қосымша мотопомпалар тартылады.
Оқу-жаттығуға ТЖ аумақтық органының, жергілікті атқарушы органдардың, АҚ және ТЖ қалалық қызметтерінің жеке құрамынан 105 адам және 25 бірлік техника, Ұлттық ұланының № 5512 әскери бөлімінің қызметшілері тартылды.
Практикалық іс-шаралар 2021 жылға арналған Павлодар облысын су тасқыны кезеңіне дайындау жөніндегі кешенді іс-шаралар жоспарына сәйкес жүргізіледі, күштер мен құралдар жеткілікті.
Біздің қызметіміздің негізгі мақсаты – адамдардың өмірі мен денсаулығын сақтау және әлеуметтік инфрақұрылымды қалпына келтіру.
Павлодар облысы ТЖД баспасөз қызметі