Жамбыл облысында авариялық-құтқару жұмыстары жүргізілуде

2021 жылғы 22 қантарда сағат 13:00-да, Қордай ауданының «Алматы-Ташкент-Термез» 159-239 шақырымында (жаңа Қордай асуы Кенен ауылынан Қайнар ауылына дейін) «Алматы-Ташкент-Термез» республикалық маңызы бар автожолда 160-212 шақырымында (ескі Қордай асуы, Кенен ауылынан Кордай ауылына дейін) бөлігінде ауа-райының нашарлауына байланысты (қатты жел, қалың қар, көрінудің нашар болуы) барлық көлік түріне қозғалыс тоқтатылды.

22 қаңтарда сағат 7.20-да  ауа-райының күрт нашарлауына байланысты, яғни күшті желден жолда көріну мүмкіндігінің нашарлауына орай Алматы – Ташкент республикалық маңызы бар тасжолының Айша бибі ауылынан Түркістан облысының шекарасына дейінгі бөлігінде автокөліктің барлық түрі үшін жол жабылды. Сонымен қатар Тараз-Қаратау-Жанатас бағытында да жол жабылды.

Халыққа хабарлау мақсатында ұялы телефондарға 21 қаңтарда дауылды ескерту, ал 22 қаңтарда жол жабылғаны туралы СМС- хабарлама жолданды, сондай-ақ аталған ақпарат әлеуметтік желілеріндегі ТЖД парақшаларына орналастырылды.

Автожолдарды тазалау үшін жол қызметерінің күштері мен құралдары жұмылдырылды.

Сағат 14-30-дағы жағдай бойынша Айша бибі ауылында 60 жүк және 45 жеңіл автокөлік, «Алматы-Термез-Ташкент» автожолындағы жабық учаскеде 38 жүк автомашинасы, 15 жеңіл автомашинасы, 2 шағын автобус қалып отыр.

Авариялық-құтқару жұмыстарын жүргізу үшін ТЖД-дан 8 бірлік техника және 21 адам оқиға орнына барды. ТЖД күші «Қаратау – Тараз» автожолында қар құрсауында қалған автокөліктерден 23 адамды құтқарды, қар құрсауынан 6 жеңіл автокөлікті сүйреп шығарды. Жуалы ауданындағы «Алматы-Термез-Ташкент» автожолында қар құрсауында қалған автокөліктерден 59 адамды құтқарды. Жаңатас-Қаратау автожолы Жаңатас қаласындағы ақауы бар автокөліктен 3 адамды эвакуациялады.

Жуалы ауданында  жылыту пункттері ашылды. Онда 53 адам жеткізілді, 6 адам туыстарына жеткізілді. Барлық жылыту пункттерінде тамақтану ұйымдастырылды, медицина қызметкерлерінің кезекшілігі қамтамасыз етілді.

 

Жамбыл облысы ТЖД