ТЖМ еске салады: өрт кезінде жүріс-тұрыс ережелері

  Өрт кез келген уақытта электр сымдарының ақауынан, ашық отты немесе тұрмыстық техниканы абайсыз пайдаланудан туындауы мүмкін. Мұндай жағдайда ең бастысы сабыр сақтау және дұрыс әрекет ету. Есіңізде болсын: әрбір секунд өмірді құтқара алады.

  Өрт шыққанда не істеу керек:

   бірден 112 нөміріне қоңырау шалыңыз және нақты мекенжайды, қабатты, өрт шыққан орынды айтыңыз;

  егер түтін көп болса, еңкейіп қозғалыңыз, аузыңыз бен мұрныңызды дымқыл мата арқылы жабыңыз;

  лифтті пайдаланбаңыз, ол түтінге толып, тоқтап қалуы мүмкін;

  есікті және терезені ашпаңыз, ауа оттың күшеюіне себеп болады;

  есікті ашпас бұрын тұтқаны қолмен тексеріңіз, егер ол ыстық болса, арғы бетте от бар;

  егер шығу мүмкін болмаса, есік саңылауларын дымқыл мата арқылы бітеп, терезе жанына барып көмек шақырыңыз;

  заттарыңызды алуға қайтып кірмеңіз, өмір бәрінен қымбат;

 алдымен балаларға, қарттарға және мүмкіндігі шектеулі адамдарға көмектесіңіз;

  сыртқа шыққан соң есіктерді жабыңыз, бұл түтін мен оттың таралуын баяулатады.

  Ең бастысы сабыр сақтаңыз. Сіздің қауіпсіздігіңіз дұрыс әрекет пен құтқару қызметін уақтылы шақыруға байланысты.