«Мемлекеттік материалдық резервті қалыптастыру және дамыту саласындағы қызметті жүзеге асыратын, террористік тұрғыдан осал объектілердің терроризмге қарсы қорғалуын ұйымдастыру жөніндегі нұсқаулықты бекіту туралы» Қазақстан Республикасы Төтенше жағдайлар министрі бұйрығы жобасының жария талқылау үшін орналастырылғаны туралы хабарлама

Әзірлеуші мемлекеттік орган – Қазақстан Республикасының Төтенше жағдайлар министрлігі.

Жоба «Терроризмге қарсы іс-қимыл туралы» Қазақстан Республикасы Заңының 10-2-бабының 1-тармағына сәйкес, сондай-ақ «Объектілерді террористік тұрғыдан осал объектілерге жатқызу қағидалары мен өлшемшарттарын бекіту туралы» Қазақстан Республикасы Үкіметінің 2021 жылғы 12 сәуірдегі № 234 қаулысын іске асыру мақсатында әзірленді.

Жоба террористік тұрғыдан осал объектілердің терроризмге қарсы қорғалуын ұйымдастыруға қойылатын талаптарды айқындайды.

Жоба бойынша бұрын қабылданған, мемлекеттік тіркеуден бас тартылған нормативтік құқықтық актілер туралы мәліметтер жоқ.

Жобаны қабылдау шығындардың ұлғаюын немесе республикалық не жергілікті бюджеттерге түсімдердің азаюын көздемейді.

Жоба теріс әлеуметтік-экономикалық және құқықтық салдарларға әкеп соқпайды.

Жобаның реттеушілік әсеріне талдау жүргізу талап етілмейді.

Жоба 2021 жылғы 24 маусымда ашық нормативтік құқықтық актілердің интернет-порталында орналастырылған.