Дауылды ескертулер

«Қазгидромет» РМК мәліметі бойынша дауылды ескертулер 

Алматы қ.: 17 қыркүйекте жоғары өрт қаупі сақталады. 

Шымкент қ.: 17 қыркүйекте солтүстік-шығыстан жел соғады, екпіні 15-20 м/с. Төтенше өрт қаупі сақталады.

17 қыркүйекте Жетісу облысында жоғары өрт қаупі сақталады, облыстың солтүстігінде, оңтүстігінде, шығысында, орталығында төтенше өрт қаупі күтіледі. 

17 қыркүйекте Жетісу облысының Алакөл көлдері аудандарында солтүстік-батыстан жел соғады, екпіні 15-20, кей уақыттарда 23-28 м/с күтіледі.

17 қыркүйекте Батыс Қазақстан облысының батысында, солтүстігінде, шығысында жаңбыр, найзағай күтіледі. Түнде және таңертең облыстың солтүстігінде, шығысында тұман күтіледі. Жел оңтүстік-батыстан, батыстан соғады, күндіз облыстың батысында, солтүстігінде, шығысында екпіні 15-20 м/с. 

17 қыркүйекте Атырау облысының батысында, оңтүстігінде, шығысында жаңбыр, найзағай күтіледі. Түнде және таңертең облыстың оңтүстігінде тұман. Оңтүстік-батыстан соғатын жел солтүстік-батысқа ауысады, түнде облыстың шығысында екпіні 15-18 м/с. Облыстың оңтүстігінде төтенше өрт қаупі сақталады. 

17 қыркүйекте Маңғыстау облысының батысында, солтүстігінде жаңбыр, найзағай күтіледі. Түнде және таңертең облыстың батысында тұман күтіледі. Облыстың солтүстігінде, орталығында жоғары өрт қаупі, облыстың солтүстік-шығысында төтенше өрт қаупі сақталады.

17 қыркүйекте түнде Қостанай облысының батысында, солтүстігінде жаңбыр, найзағай, күндіз жаңбыр, найзағай күтіледі. Түнде және таңертең облыстың батысында, солтүстігінде тұман. Оңтүстік-батыстан жел соғады, облыстың батысында, солтүстігінде, шығысында екпіні 15-20 м/с. Облыстың оңтүстік-шығысында жоғары өрт қаупі сақталады. 

17 қыркүйекте түнде Солтүстік Қазақстан облысының батысында аздаған жаңбыр, найзағай, күндіз жаңбыр, найзағай күтіледі. Түнде және таңертең облыстың солтүстігінде, шығысында тұман күтіледі. Оңтүстіктен, оңтүстік-батыстан жел соғады, күндіз облыстың батысында, солтүстігінде, оңтүстігінде екпіні 15-20 м/с. Облыстың оңтүстігінде, шығысында жоғары өрт қаупі сақталады. 

17 қыркүйекте түнде Абай облысының солтүстігінде, орталығында жаңбыр, найзағай күтіледі.  Түнде және таңертең облыстың солтүстігінде, шығысында, орталығында тұман күтіледі. Жел солтүстік-батыстан соғады, күндіз облыстың солтүстігінде, шығысында, орталығында екпіні 15-20 м/с. Облыс бойынша жоғары өрт қаупі сақталады, облыстың солтүстік-батысында төтенше өрт қаупі күтіледі, облыстың оңтүстігінде төтенше өрт қаупі сақталады. 

17 қыркүйекте Шығыс Қазақстан облысының солтүстігінде, шығысында жаңбыр, найзағай, түнде облыстың таулы аудандарында жауын-шашын (жаңбыр, жылбысқы қар). Түнде және таңертең облыстың батысында, солтүстігінде, шығысында тұман күтіледі. Жел солтүстік-батыстан соғады, күндіз облыстың батысында, солтүстігінде, оңтүстігінде екпіні 15-20 м/с. Облыс бойынша жоғары өрт қаупі сақталады, облыстың оңтүстік-шығысында төтенше өрт қаупі күтіледі. 

17 қыркүйекте Ақтөбе облысында оңтүстіктен, оңтүстік-батыстан жел соғады, түнде облыстың батысында, орталығында, күндіз облыстың солтүстігінде, шығысында екпіні 15-20 м/с күтіледі. Облыстың солтүстік-батысында жоғары өрт қаупі сақталады, облыс бойынша төтенше өрт қаупі сақталады. 

17 қыркүйекте Ақмола облысында оңтүстік-батыстан жел соғады, күндіз облыстың батысында, солтүстігінде екпіні 15-20 м/с күтіледі. Облыстың оңтүстігінде, солтүстігінде, шығысында, орталығында жоғары өрт қаупі сақталады. 

17 қыркүйекте түнде және таңертең Павлодар облысының батысында, солтүстігінде, орталығында тұман күтіледі. Облыста жоғары өрт қаупі сақталады. 

17 қыркүйекте түнде және таңертең Қарағанды облысының батысында, солтүстігінде, шығысында тұман күтіледі. Түнде облыстың солтүстігінде, шығысында топырақ бетінде 2 градус үсік. Жоғары өрт қаупі сақталады, облыстың батысында төтенше өрт қаупі сақталады.

17 қыркүйекте түнде және таңертең Ұлытау облысының солтүстігінде, шығысында тұман күтіледі. Төтенше өрт қаупі сақталады. 

17 қыркүйекте  Алматы облысында солтүстік-батыстан соғатын жел солтүстік-шығысқа ауысады, күндіз облыстың шығысында, таулы аудандарында екпіні 15-20 м/с. Облыс бойынша төтенше өрт қаупі, облыстың оңтүстігінде жоғары өрт қаупі сақталады. 

Іле Алатауы (Алматы қаласының Медеу және Бостандық аудандарының таулы аймақтары) бойынша: 17 қыркүйекте солтүстік-батыстан жел соғады, күндіз екпіні 15 м/с күтіледі. 

17 қыркүйекте Жамбыл облысының облыстың оңтүстік-батысында, солтүстік-шығысында, таулы аудандарында солтүстік-шығыстан жел соғады, екпіні 15-20 м/с күтіледі. Төтенше өрт қаупі сақталады.

17 қыркүйекте Түркістан облысының батысында шаңды дауыл күтіледі. Солтүстік-шығыстан жел соғады, облыстың батысында, таулы аудандарында екпіні 15-20 м/с. Төтенше өрт қаупі сақталады. 

17 қыркүйекте Қызылорда облысында жел солтүстік-шығыстан соғады, күндіз облыстың батысында, орталығында екпіні 15-20 м/с күтіледі. Облыс бойынша төтенше өрт қаупі сақталады.