Дауылды ескертулер

«Қазгидромет» РМК мәліметі бойынша дауылды ескертулер

Астана қ.: 01 наурызда түнде және таңертең тұман күтіледі.

Алматы қ.: 01 наурызда кей уақыттарда тұман, көктайғақ күтіледі.   

Шымкент қ.: 01 наурызда кей уақыттарда тұман күтіледі.

01 наурызда түнде және таңертең Маңғыстау облысының батысында, оңтүстігінде, орталығында қатты жауын-шашын (көбінесе қар), көктайғақ күтіледі. Түнде облыстың орталығында жаяу бұрқасын күтіледі. Оңтүстік-шығыстан жел соғады, түнде облыстың шығысында, орталығында екпіні 15-20 м/с.  

01 наурызда күндіз Батыс Қазақстан облысының батысында, солтүстігінде жауын-шашын (жаңбыр, қар), жаяу бұрқасын, көктайғақ күтіледі. Облыстың батысында, оңтүстігінде тұман күтіледі.

01 наурызда түнде Алматы облысының оңтүстігінде, таулы аудандарында қар, жаяу бұрқасын күтіледі. Облыстың оңтүстігінде, таулы аудандарында тұман, көктайғақ күтіледі. Солтүстік-шығыстан жел соғады, облыстың шығысында, тау бөктерінде, таулы аудандарында екпіні 18-23 м/с. Түнде облыстың солтүстігінде 25 градус қатты аяз күтіледі.

01 наурызда Жетісу облысының солтүстігінде, орталығында, таулы аудандарында тұман күтіледі. Солтүстік-шығыстан жел соғады, Алакөл көлдері ауданында екпіні 15-20, күндіз кей уақыттарда 23-28 м/с. Түнде облыстың солтүстігінде 25 градус қатты аяз күтіледі.  

01 наурызда Жамбыл облысында кей уақыттарда тұман, көктайғақ күтіледі. Солтүстік-шығыстан жел соғады, түнде облыстың таулы аудандарында, күндіз облыстың оңтүстік-батысында, солтүстік-шығысында, таулы аудандарында 15-20 м/с күтіледі.

01 наурызда Түркістан облысының таулы аудандарында жауын-шашын (жаңбыр, қар), көктайғақ, жаяу бұрқасын күтіледі. Облыстың батысында, оңтүстігінде, таулы аудандарында тұман күтіледі. Солтүстік-шығыстан жел соғады, облыстың солтүстігінде, таулы аудандарында 15-20 м/с.

01 наурызда Қызылорда облысының орталығында, солтүстігінде тұман, көктайғақ күтіледі. Жел солтүстік-шығыстан соғады, күндіз облыстың орталығында, шығысында күші 15-20 м/с күтіледі.

01 наурызда түнде Қостанай облысының батысында, солтүстігінде қар, жаяу бұрқасын, күндіз қар, облыстың батысында, солтүстігінде жаяу бұрқасын, көктайғақ күтіледі. Облыстың оңтүстігінде, шығысында туман. Оңтүстік-шығыстан жел соғады, күндіз облыстың батысында, солтүстігінде екпіні 15-20 м/с.

01 наурызда Солтүстік Қазақстан облысының оңтүстігінде тұман күтіледі.

01 наурызда түнде және таңертең Ақмола облысының батысында, оңтүстігінде, шығысында тұман күтіледі.