НҚА жобасын орналастыру туралы хабарландыру

  ««Өнеркәсіптік қауіпсіздік саласындағы мамандарды, қызметкерлерді даярлау, қайта даярлау және олардың білімін тексеру қағидаларын бекіту туралы» Қазақстан Республикасы Төтенше жағдайлар министрінің 2021 жылғы 9 шілдедегі № 332 бұйрығына өзгерістер енгізу туралы» бұйрықтың жобасы Қазақстан Республикасының Төтенше жағдайлар министрлігі әзірледі.

  Бұйрықтың жобасы Қазақстан Республикасы Үкіметі регламентінің 132-тармағына сәйкес әзірленді (Қазақстан Республикасы Үкіметінің 2023 жылғы 6 қаңтардағы № 10 қаулысы). Бұйрықтың осы жобасында Өнеркәсіптік қауіпсіздік саласындағы мамандарды, қызметкерлерді даярлау, қайта даярлау және олардың білімін тексеру қағидаларын «Қазақстан Республикасының кейбір заңнамалық актілеріне азаматтық қорғау, электр энергетикасы және мемлекеттік мүлікті басқару мәселелері бойынша өзгерістер мен толықтырулар енгізу туралы» ҚР Заңы жобасының 79-бабына сәйкес келтіру көзделеді. 

  Қоғаммен жария талқылау үшін 2025 жылғы «12» маусымда бұйрық жобасы Ашық НҚА сайтында жарияланды және ҚР Төтенше жағдайлар министрлігінің ресми сайтында орналастырылды. 

  Жобаны қабылдау теріс әлеуметтік және / немесе экономикалық салдарға әкелмейді.