Дауылды ескертулер

«Қазгидромет» РМК мәліметі бойынша дауылды ескертулер

Дауылды ескертулер сақталады:

Корнеевка а. – Үлкен Тораңғыл к. (Солтүстік Қазақстан обл.) гидрологиялық бекетінде су деңгейінің көтерілуі байқалды (тәулік ішіндегі өзгеріс +6 см). Сағат 16:00-дегі жағдай бойынша су деңгейі - 348 см (қауіпті деңгейі - 365 см). Еріген қар және бүйірлік ағындардың келуіне байланысты су деңгейінің одан әрі көтерілуі күтілуде.

Солтүстік Қазақстан облысында 27-31 наурыз аралығында өзендердің жоғарғы ағысынан, жазықтар мен жылғалардан еріген қар ағынының келуіне байланысты, мұз кұбылыстарының одан әрі әлсіреуі және облыс өзендерінде су деңгейнің көтерілуі күтіледі. Соның салдарынан автожолдарды, елді мекендерді, тұрғын және шаруашылық құрылыстарды еріген қар суларымен судың жайылуы мен су басуы мүмкін.

2025 жылдың 27-31 наурыз аралығында Үлкен және Кіші Алматы су алаптарында қар жамылғысының тұрақсыздығы мен биіктігінің жоғары болуына және жауын-шашын күтілуіне байланысты қар көшкіні қаупі сақталады. Көшкін жүру қаупі мүмкін болуына байланысты, қарлы беткейлерге шығу ұсынылмайды. Тауда абай болыңыздар.

Дауылды ескертулер күтіледі:

Алматы қ.: 30 наурызда түнде және таңертең тұман күтіледі.

30 наурызда Солтүстік Қазақстан облысында түнде және таңертең батысында, солтүстігінде, шығысында тұман күтіледі.

30 наурызда түнде және таңертең Қарағанды облысының батысында, солтүстігінде, шығысында тұман күтіледі.

30 наурызда түнде және таңертең Ұлытау облысының солтүстігінде, шығысында, орталығында тұман күтіледі.

30 наурызда Абай облысының оңтүстігінде шаңды дауыл күтіледі.

30 наурызда Алматы облысының оңтүстігінде, таулы аудандарында кей уақытта тұман күтіледі.

30 наурызда түнде және таңертең Жамбыл облысының оңтүстігінде, таулы аудандарында тұман күтіледі. Солтүстік-шығыстан жел соғады, облыстың таулы аудандарында 15-20 м/с күтіледі.

30 наурызда түнде және таңертең Түркістан облысының таулы аудандарында тұман күтіледі.