Штормовое предупреждение

Жер сілкінісі туралы ақпарат 

ҚР ТЖМ "СБЗҰҒО" ЖШС сейсмикалық станциялар желісімен 2024 жылғы 19 маусымда Астана уақыты бойынша 17 сағат 09 минут 42 секундта жер сілкінісі тіркелді.  

Жер сілкінісінің координаттары : 41.50 с.е. 71.15 ш.б.

Жер сілкінісі ошағы Қырғыстан аумағында

Алматы қаласынан оңтүстік- батысқа қарай 511 км. жерде орналасқан

Есептік қарқындылығы: ҚР аумағында сезілген жоқ

«Қазгидромет» РМК
Қазақстан Республикасы бойынша 2024 жылдың 20-24 маусым күндері күтілетін апатты және қауіпті метеорологиялық құбылыстар туралы дауылды ескертулер

Батыс Қазақстан, Ақтөбе облыстарында 11-20 маусым аралығында күндіз ауа температурасының өте қатты ыстық 40-43 градусқа дейін көтерілуіне байланысты жоғары өрт қауіптілігінің (4 класс) төтенше (5 класс) өрт қауіптілігіне дейін жоғарлауы күтіледі.

Атырау облысында 11 - 20 маусым аралығында күндіз ауа температурасының өте қатты ыстық 40-43 градусқа дейін көтерілуіне байланысты төтенше (5 класс) өрт қауіптілігі сақталады.

Маңғыстау облысында 11 - 20 маусым аралығында күндіз ауа температурасының өте қатты ыстық   43-45 градусқа дейін көтерілуіне байланысты төтенше (5 класс) өрт қауіптілігі сақталады.

Қостанай облысында 11 - 20 маусым аралығында күндіз ауа температурасының қатты ыстық            35-38 градусқа дейін көтерілуіне байланысты жоғары өрт қауіптілігінің (4 класс) төтенше (5 класс) өрт қауіптілігіне дейін жоғарлауы күтіледі.

Ұлытау облысында 11 - 20 маусым аралығында күндіз ауа температурасының өте қатты ыстық 40 градусқа дейін көтерілуіне байланысты жоғары өрт қауіптілігінің (4 класс) төтенше                    (5 класс ) өрт қауіптілігіне дейін жоғарлауы күтіледі.

Қызылорда, Түркістан, Жамбыл облыстарында күндіз 11 - 20 маусым аралығында қатты ыстықтың сақталуына байланысты төтенше (5 класс) өрт қауіптілігі сақталады.

Шымкент, Түркістан қ.: 11-20 маусым аралығында күндіз қатты ыстықтың сақталуына байланысты төтенше (5 класс) өрт қауіптілігі сақталады. 

15 маусымда күндіз Атырау облысы бойынша 35-39 градус қатты ыстық сақталады. Атырау қ: 15 маусымда күндіз 37-39 градус қатты ыстық сақталады. 15-20 маусымда төтенше өрт қауіпі сақталады. 

Атырау, Маңғыстау облыстарында, Батыс Қазақстан облысының батысында, оңтүстігінде 21 - 22 маусым аралығында төтенше (5 класс ) өрт қауіпі сақталады.

Ақтөбе облысының батысында, оңтүстігінде 21 - 23 маусым аралығында төтенше (5 класс) өрт қауіпі сақталады.

Абай, Шығыс Қазақстан облыстарында 20 - 24 маусым аралығында күндізгі ауа температурасының 35-39 градус қатты ыстыққа дейін көтерілуіне байланысты  жоғары өрт қауіпінен (4 класс) төтенше (5 класс ) өрт қауіпіне дейін жоғарлауы күтіледі.

Қарағанды облысының оңтүстігінде 20 - 24 маусым аралығында төтенше (5 класс) өрт қауіпі сақталады.

Ұлытау облысында 21 - 24 маусым аралығында төтенше (5 класс ) өрт қауіпі сақталады.

Қызылорда, Түркістан, Жамбыл облыстарында, Алматы облысының солтүстігінде, батысында, орталығында, Жетісу облысының солтүстігінде, шығысында 21 - 24 маусым аралығында төтенше  (5 класс) өрт қауіпі сақталады.

Қызылорда қ.: 21 - 24 маусым аралығында төтенше (5 класс ) өрт қауіпі сақталады.

Шымкент, Түркістан қ.: 21 - 24 маусым аралығында төтенше (5 класс ) өрт қауіптілігі сақталады.                                                                             

19 маусымда күндіз Солтүстік Қазақстан облысының солтүстігінде, батысында найзағай күтіледі. Оңтүстік-батыстан жел соғады, күндіз облыстың солтүстігінде, батысында екпіні 15-20 м/с. 20 маусымда жаңбыр күтіледі. Облыстың солтүстігінде, батысында, шығысында найзағай, күндіз бұршақ, дауыл күтіледі. Оңтүстік-батыстан жел соғады түнде облыстың солтүстігінде, батысында, шығысында екпіні 15-20 м/с, күндіз күші 15-20 м/с, облыстың солтүстігінде, батысында, шығысында екпіні 25 м/с.

Петропавл қ.: 19 маусымда оңтүстік-батыстан жел соғады, күндіз екпіні 15-20 м/с күтіледі. 20 маусымда найзағай, күндіз бұршақ, дауыл күтіледі. Оңтүстік-батыстан жел соғады, күші 15-20 м/с. 

Күндіз 19-20 маусымда Жамбыл облысының оңтүстігінде, таулы аудандарында, найзағай күтіледі. 19-20 маусымда солтүстік-шығыстан жел соғады, облыстың оңтүстік-батысында, солтүстік-шығысында, таулы аудандарында 15-20 м/с, 20 маусымда екпіні 23 м/с күтіледі.

Тараз қ.: 19-20 маусымда солтүстік-шығыстан жел соғады күндіз екпіні 15-20 м/с күтіледі. 19-20 маусымда төтенше жоғары өрт қауіпі сақталады.

20 маусымда күндіз Қызылорда облысының солтүстігінде найзағай, дауыл күтіледі. Солтүстік-шығыстан соққан жел солтүстік-батысқа ауысады, күндіз облыстың солтүстігінде, орталығында күші 15-20 м/с. Күндіз 40-41 градус қатты ыстық сақталады. Облыстың солтүстік-шығысында жоғары өрт қауіпі, облыстың басым бөлігінде төтенше өрт қауіпі сақталады. Қызылорда қ.: 20 маусымда күндіз 40-41 градус қатты ыстық күтіледі. Төтенше өрт қауіпі сақталады.

20 маусымда таңертең және күндіз Ақмола облысының батысында, солтүстігінде, найзағай, бұршақ күтіледі. Оңтүстік-батыстан жел соғады, облыстың батысында, солтүстігінде екпіні 15-20 м/с. Облыстың батысында, оңтүстігінде жоғары өрт қауіпі сақталады. Көкшетау қ.: 20 маусымда таңертең және күндіз найзағай күтіледі. Оңтүстік-батыстан жел соғады, күндіз екпіні 15-20 м/с.

20 маусымда күндіз Батыс Қазақстан облысының оңтүстігінде 36 градус қатты ыстық сақталады. Облыстың батысында, солтүстігінде, орталығында жоғары өрт қаупі сақталады, облыстың оңтүстік-батысында, оңтүстігінде төтенше өрт қауіпі сақталады. Орал қ.: 20 маусымда жоғары өрт қауіпі сақталады.

20 маусымда түнде Атырау облысының шығысында найзағай күтіледі. Солтүстік-батыстан жел соғады, түнде найзағай кезінде екпіні 15-20 м/с. Күндіз облыста 35-37 градус қатты ыстық. Атырау қ: 20 маусымда күндіз 35 градус қатты ыстық сақталады.

20 маусымда Ақтөбе облысының солтүстігінде, шығысында, оңтүстігінде найзағай күтіледі. Солтүстік-шығыстан жел соғады,  найзағай кезінде екпіні 15-20 м/с. Күндіз облыстың оңтүстігінде 36 градус қатты ыстық күтіледі. Ақтөбе қ.: 20 маусымда найзағай күтіледі. Солтүстік-шығыстан жел соғады,  найзағай кезінде екпіні 15-20 м/с. Жоғары өрт қауіпі сақталады.

20 маусымда  Маңғыстау облысының солтүстігінде, шығысында найзағай күтіледі. Солтүстік-батыстан жел соғады, күндіз облыстың  оңтүстігінде екпіні 15-20 м/с күтіледі. Облыстың басым бөлігінде төтенше өрт қауіпі, облыстың солтүстігінде, шығысында жоғары өрт қауіпі сақталады.                                       

20 маусымда түнде Қостанай облысының батысында, солтүстігінде найзағай, күндіз найзағай, облыстың батысында, солтүстігінде бұршақ күтіледі. Оңтүстік-батыстан жел соғады, күші 15-20, облыстың солтүстігінде, шығысында екпіні 25 м/с. Қостанай қ.: 20 маусымда таңертең және күндіз найзағай күтіледі. Оңтүстік-батыстан жел соғады, күші 9-14, таңертең және күндіз 15-20 м/с.            

20 маусымда Қарағанды облысында оңтүстік-шығыстан соғатын жел оңтүстік-батысқа ауысыды, күндіз облыстың оңтүстігінде екпіні 15-20 м/с. Облыстың батысында, орталығында жоғары өрт қауіпі, облыстың  оңтүстігінде төтенше өрт қауіпі сақталады.

20 маусымда күндіз Ұлытау облысында 35-36 градус қатты ыстық күтіледі. Облыстың басым бөлігінде төтенше өрт қауіпі, облыстың солтүстігінде, шығысында жоғары өрт қауіпі сақталады. Жезқазған қ.: 20 маусымда күндіз 35 градус қатты ыстық күтіледі. Төтенше өрт қауіпі сақталады.

20 маусымда күндіз Түркістан облысының тауларында найзағай күтіледі. Солтүстік-шығыстан жел соғады, найзағай кезінде екпіні 15-20 м/с. Облыстың батысында, шөлді аудандарында 40 градус қатты ыстық. Түркістан қ.: 20 маусымда күндіз 40 градус қатты ыстық күтіледі.

20-22 маусымда Алматы облысының басым бөлігінде жоғары өрт қаупі, облыстың солтүстік жартысында төтенше өрт қаупі сақталады. Қонаев қ.: 20-22 маусымда төтенше өрт қауіпі сақталады.

 20 маусымда Жетісу облысының солтүстігінде жоғары өрт қауіпі, шығысында төтенше өрт қауіпі сақталады.