БҚО-да «Судағы қауіпсіздік, суға бату жағдайлары бойынша ақпарат» тақырыбында брифинг өтті
БҚО-да «Судағы қауіпсіздік, суға бату жағдайлары бойынша ақпарат» тақырыбында брифинг өтті
2020 жылы 10 шілдеде өңірлік коммуникация орталығының алаңында «Судағы қауіпсіздік, суға бату жағдайлары бойынша ақпарат» тақырыбында брифинг өтті, спикер ретінде Батыс Қазақстан облысы Төтенше жағдайлар департаменті бастығының орынбасары подполковник А.Қ. Ахметжанов сөз сөйледі.
Спикердің айтуынша, 2020 жылдың басынан бері облыстың су айдындарында 10 адам қаза болды, жабдықталмаған және тыйым салынған жерлерде 10 адам суға кетті, оның 6-ы бала. Құтқарылғаны – 2 адам. Су айдындарында адамдардың қаза болуының негізгі себептері:
- ата-анасы тарапынан баланы бақылаудың болмауы себебінен -5;
- алкогольдік мас күйде – 3;
- балық аулау кезінде – 1;
- абайсызда – 1.
4-8 шілде аралығында температураның жоғарылауына және қала тұрғындарының жаппай шомылуына байланысты облыс су айдындарында тіркелген 6 жағдай орын алған, суға батқаны 6 адам, оның ішінде 4 бала қаза болды.
2019 жылдың ұқсас кезеңімен салыстырғанда (суда қаза болу – 14 оқиға, 15 адам қаза болды, оның ішінде 2 бала), су айдындарында адамдардың қаза болу жағдайлары 28,5%-ға (10), қаза болғандардың 33,3%-ға (10) азайғаны байқалады.
Облыстық мәслихаттың 2017 жылғы 26 маусымдағы № 11-3 шешімімен суға түсуге тыйым салынған орындар анықталды. Демалуға және шомылуға арналған қауіпті және жабдықталмаған су айдындарында 246 тыйым салатын белгі мен 38 ақпараттық стенд орнатылды, қазіргі уақытта қосымша белгілерді жаңарту және орнату жұмыстары жүргізілуде.
ТЖ департаменті Жергілікті полиция қызметімен бірлесіп, облыстың су айдындарында адамдардың қаза болуына байланысты суға шомылу орындарында рейдтік іс-шаралар өткізеді. Патрульдеу кезінде суға түсетін азаматтарға ескерту сипатындағы әңгімелер жүргізіледі, судағы қауіпсіздік шаралары туралы парақшалар мен буклеттер таратылады.
Облыс су айдындарында төтенше жағдайлардың алдын алу бойынша 2020 жылға арналған жоспар бекітілді. Жоспарда су айдындарында адамдардың қаза болуының алдын алуға бағытталған барлық кешенді іс-шаралар көрсетілген, сондай-ақ тиісті қызметтер мен ұйымдарға судағы қауіпсіздік шараларын қамтамасыз ету, азаматтарға тиісті жағдайлар жасау жөніндегі міндеттер белгіленген. Сондай-ақ БҚО ТЖД, білім беру, денсаулық сақтау, ішкі саясат, дене шынықтыру және спорт басқармалары арасында салауатты өмір салтын насихаттау, дене тәрбиесі және тіршілік қауіпсіздігі саласында жеке және ұжымдық қауіпсіздік дағдыларын қалыптастыру мәселелері бойынша өзара ынтымақтастық туралы Меморандум бекітілді.
Батыс Қазақстан облысының Төтенше жағдайлар департаменті азаматтарды су айдындарында қауіпсіздік ережелерін сақтауға шақырады. Демалыс орындарында су айдынында болған кезде келесілерге жол берілмейді:
- мас күйде суға кіруге және шомылуға;
- қайықтардан, катерлерден, айлақтардан, сондай-ақ осы мақсаттарға бейімделмеген құрылыстардан суға секіруге;
- тексерілмеген және жабдықталмаған жерлерде сүңгуге;
- жүзу шекарасын көрсететін буйкалардың артына жүзуге;
- жүзуге арналмаған заттарда жүзуге;
- қайықтарға жақындауға;
- су қоймаларын ластауға және бітеуге;
- шымтезек демалушыларға жарақат келтіруі мүмкін жағада және шешіну бөлмелерінде қоқыс қалдыруға;
- техникалық және ескерту белгілеріне, буйкалардың басына көтеріліп шығуға;
- балаларға ересектердің еріп жүруінсіз суға кіруге;
- суға шомылып жатқан балаларды қараусыз қалдыруға.
Құрметті облыс, қала, аудан тұрғындары төтенше жағдайлар департаменті облыс су айдындарында адамдардың қаза болуын болдырмау мақсатында судағы қауіпсіздік ережелерін сақтауды ұсынады.