1 наурыз – Дүниежүзілік азаматтық қорғаныс күні
Бүгін Батыс Қазақстан облысы Төтенше жағдайлар департаменті азаматтық қорғаныс басқармасының бастығы, подполковник Теміржан Ермекұлы Танжанов өңірлік коммуникациялар қызметі алаңында «1 наурыз – Дүниежүзілік азаматтық қорғаныс күні» тақырыбында сөз сөйледі.
1-наурызда Алғыс айту күнімен қатар, Дүниежүзілік азаматтық қорғаныс күні атап өтіледі. Ағымдағы жылы Дүниежүзілік азаматтық қорғаныс күні «Азаматтық қорғаныс қызметіндегі инновациялық технологиялар» ұранымен өтеді. Дүниежүзілік Азаматтық қорғаныс күніне орай жыл сайын өткізілетін іс-шаралар халықтын қауіпсіздігі мәселелеріне жұртшылықтың, бұқаралық ақпарат құралдарын назарын аудару, төтенше жағдайларды болдырмау және орын алған жағдайда қауіпсіз жүріп-тұру ережелерін дағдылау мақсатында ұйымдастырылады.
Жоғары оқу орындарында, мектептерде, мектепке дейінгі мекемелерде және басқа да оқу орындарында арнайы сабақтар, ойындар, жарыстар, конкурстар өткізіліп,, олардың барысында қатысушылар өзін-өзі қорғаудың қажетті дағдыларын игереді, әртүрлі дағдарыс жағдайлары туындаған кезде өзін қалай құтқаруды, басқаларды құтқаруды үйренеді.
23 ақпан сағат 11.00-де жоспарланған сейсмикалық жаттығуларда авариялық-құтқару және шұғыл жұмыстарды өткізу, өңір тұрғындарын төтенше жағдайларда әрекет ету дағдыларына үйрету шаралары жоспарлануда.
ҚР 2.03-30-2017 «Сейсмикалық аймақтарда құрылыс» ережелер жинағына сәйкес, Батыс Қазақстан облысының аумағында қарқындылығы 5-6 балл болатын жер сілкінісі аймағына 9 елдімекен енеді, олар: Орал қаласы, Жаңақала, Казталов, Бөкей ордасы, Тасқала, Теректі, Ақжайық, Шыңғырлау, Бәйтерек аудандары.
Жер сілкінісі орын алған жағдайда әрбір тұрғын келесі ұсынымдарды білуге тиіс:
- сабыр сақтаңыздар, үрейленбеңіздер;
- лифтті қолданбаңыздар, баспалдақтармен жүрмеңіздер;
- жиһаз бен терезелердің маңында тұрмаңыздар;
- ғимаратты жедел босатуға тырысыңыздар;
- шығар алдында суды, газды және электр қуатын сөндіруді ұмытпаңыздар;
- барлық қажетті заттар мен құжаттарды өзіңізбен бірге алыңыздар;
- электр желілері, ғимараттар және ағаштардың маңынан аулақ болыңыздар.
Жер сілкінісі аяқталған соң келесі нұсқаулықтарды орындаңыздар!
- мұқтаж адамдарға алғашқы медициналық көмек көрсетіңіздер;
- мүмкіндігінше үйінділердің астында қалған адамдарды шығаруға тырысыңыздар;
- Сақ болыңыздар! Балалар, науқастар және қарттардың қауіпсіздігін қамтамасыз етіңіздер. Оларды тыныштандыруға тырысыңыздар;
- радиотрансляцияны қосыңыздар. Жергілікті билік немесе жедел штабтың нұсқауларына ғана бағыныңыздар;
- жер сілкінісі кезіңде зақымданған газ құбырлары болуы мүмкін. Сондықтан да ашық отты пайдаланбаңыздар;
- баспалдақтармен жүрген кезде абай болыңыздар, оның беріктігіне көз жеткізіңіздер;
- анық зақымдалған ғимараттарға жақындамаңыздар, оларға кірмеңіздер;
- ғимараттарға шұғыл қажеттіліксіз кірмеңіздер;
- тек ресми ақпараттарды тындаңыздар;
- байланыс құралдары арқылы немесе қолда бар заттармен құтқарушыларға өзіңіздің орналасқан жеріңіз туралы ақпарат беріңіздер.